«Razmova pra ličanyja chviliny». U Pavietranych siłach Ukrainy patłumačyli, čamu Rasija abstrelvaje Kijeŭ «Iskanderami»
Atakujučy Kijeŭ rakietami «Iskander», rasijanie chočuć nanieści ŭdar niečakana, kab było mała času dla taho, kab schavacca i kab nie zmahła zreahavać SPA.
«A jakim jašče ŭzbrajeńniem jany mohuć hetak chutka i efiektyŭna nanieści ŭdar? Byli ŭ ich sproby nanosić udary rakietami S-400 mienavita pa Kijeŭskaj vobłaści. Praciŭnik vykarystoŭvaje mienavita hetyja apieratyŭna-taktyčnyja kompleksy dla taho, kab było minimum času zreahavać na hetyja rečy», — rastłumačyŭ pradstaŭnik kamandavańnia Pavietranych sił USU Juryj Ihnat, piša «RBK-Ukraina».
Ihnat pryvioŭ nastupny prykład: dapuścim, kali laciać kryłatyja rakiety z Kaśpija abo z Čornaha mora, to adpaviedna jość kala hadziny, kab zreahavać i pajści ŭ schovišča, a ŭ vypadku z «Iskanderami» havorka idzie pra ličanyja chviliny.
«Praciŭnik choča zaśpieć źnianacku, kab naša SPA nie zmahła zreahavać. Ale, jak bačym, spracavała i hetym razam», — miarkuje jon.
Unačy ŭ Kijevie prahučała tryvoha, u roznych rajonach byli čuvać vybuchi praz pracu SPA. Abłomki źbitych celaŭ znajšli adrazu ŭ troch rajonach stalicy.
I choć SPA źbiła ŭsie 10 rakiet, jakija vypuściła Rasija z «Iskanderaŭ», biez achviar nie abyšłosia. U pryvatnaści, u Dziaśnianskim rajonie zahinuli try čałavieki. Jašče 10 atrymali ranieńni, siarod ich taksama jość dzicia.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki17
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary