U Viktara Babaryki moža być złamana rabro i prabita lohkaje — Kabanaŭ
Eks-bankira i byłoha pretendenta ŭ prezidenty mahli mocna źbić u kałonii. Pra heta paviedamiŭ u efiry «Biełsata» błohier Alaksandr Kabanaŭ.
Kabanaŭ kaža, što, pa jaho infarmacyi, da hetaha mahli być datyčnyja supracoŭniki kałonii, bo, kali Babaryka znachodziŭsia ŭ ŠIZA, dostupu inšych viaźniaŭ da jaho nie było.
«Pieršapačatkova, kali abmiarkoŭvalisia jaho dyjahnazy, mnie daktary znajomyja skazali, što ŭ jaho prabita lohkaje, značyć złamanyja rebry. Nasamreč mnie inšyja krynicy z kałonii skazali, što jaho źbili, što złamana rabro, jakoje trapiła ŭ lohkaje. Samaje važnaje ŭ tym, što na dumku tych, chto znachodzicca tam, dadziena kamanda źvierchu pa maksimumie pastrožyć režym utrymańnia takich znakavych fihur, pačać žorstka ź imi abychodzicca. Dziela čaho heta ŭsio? Na maju dumku, ułada nie choča, kab ludzi daviedvalisia, što adbyvajecca ŭ kałonijach, i voś na ich jana pakazvaje».
Užo bolš za miesiac pra asudžanaha na 14 hadoŭ kałonii Viktara Babaryku ničoha nie viadoma. Viadoma, što jon byŭ špitalizavany ŭ noč z 24 na 25 krasavika ŭ balnicu ŭ Navapołacku. 12 maja źjaviłasia infarmacyja ad pravaabaroncaŭ, što da svajho atrada ŭ navapołackaj kałonii jon nibyta ŭžo nie prypisany, a paśla — pra toje, što jaho nibyta pieraviali ŭ turemnuju balnicu pry SIZA-1 u Minsku. Ale bolš nijakich źviestak nie pastupała.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej14
Kamientary