Polšča maje padtrymać «vojski, jakija buduć vieści apieracyju suprać Łukašenki» — eks-namieśnik ministra abarony
«Davajcie rychtavacca da paŭstańnia ŭ Biełarusi, bo jano adbudziecca», — zajaviŭ hienierał Valdemar Skšypčak.
«Treba być hatovymi padtrymać vojski, jakija buduć vieści apieracyju suprać Łukašenki», — skazaŭ były namieśnik ministra abarony hienierał Valdemar Skšypčak u efiry telekanała Polsat.
Jon udakładniŭ, što heta moža zdarycca paśla pośpiechu ŭkrainskaha nastupu.
U acency adstaŭnoha polskaha hienierała, «kali ŭkrainski kontrnastup skončycca pośpiecham, to tyja ŭzbrojenyja biełarusy, jakija składajuć častku bajavoha patencyjału ŭkrainskaj armii, nie składuć zbroi». «Jany pojduć na Biełaruś. Spadziajusia, što heta vykliča paŭstańnie ŭ Biełarusi, hetaha Łukašenka baicca», — skazaŭ hienierał.
«Davajcie rychtavacca da paŭstańnia ŭ Biełarusi, bo jano adbudziecca. Havorka pra toje, kab my nie praspali hety momant», — skazaŭ hienierał Skšypčak.
«Treba być hatovymi da padtrymki tych atradaŭ, jakija buduć ažyćciaŭlać apieracyi suprać Łukašenki. Ëść padstavy dapamahać im tak, jak my dapamahajem ukraincam», — miarkuje jon.
Ën dumaje, što «biełaruski narod padtrymaje ich i z entuzijazmam pojdzie suprać Łukašenki». Što da režymu, to, pavodle polskaha hienierała, «u jaho ŭžo niama takoha vajskovaha patencyjału, kab praduchilić takoje paŭstańnie». «Rasija jamu mocna nie dapamoža, bo ŭ jaje buduć svaje prablemy», — tak aceńvaje situacyju polski hienierał.
-
U Iranie ŭzłamali spadarožnikavaje viaščańnie dziaržaŭnych telekanałaŭ — Reza Piechlevi zaklikaŭ zrynuć režym ajatoł VIDEA
-
U Ryzie vyjavili hrupu rasiejskich infarmataraŭ ź liku hramadzian Łatvii, dva ź ich paśpieli źjechać u Biełaruś
-
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA26
Kamientary