Rasijski bok abvinavaciŭ Ukrainu ŭ sprobie ataki Kramla bieśpiłotnikami. Pucin, jak paviedamlajecca, nie paciarpieŭ — jaho ŭ hety čas u Kramli nie było.
Siońnia nočču žychary centra Maskvy čuli mocny chłapok, padobny da raskatu hromu. Paśla hetaha pierastała pracavać padśviatleńnie Kramla. U internecie stała raspaŭsiudžvacca videa, dzie nad Kramlom byŭ vidać dym.
Paśla abiedu pres-słužba prezidenta Rasii zajaviła, što dva ŭkrainskija bieśpiłotniki sprabavali atakavać Kreml.
«Jany byli svoječasova vyjaŭlenyja i vyviedzienyja z ładu srodkami radyjoelektronnaj baraćby. U vyniku padzieńnia dronaŭ i raźlotu askiepkaŭ nichto nie paciarpieŭ», — havorycca ŭ paviedamleńni.
Kreml nazvaŭ ataku bieśpiłotnikaŭ na rezidencyju prezidenta teraktam i zamacham na Pucina.
U Kramli zajavili, što pakidajuć za saboju prava «adkazać — tam i tady, kali paličać patrebnym».
Na videa bačna, što ŭ vyniku vybuchu bieśpiłotnika hareŭ kupał Sienackaha pałaca Kramla.
Pakul niajasna, ci sapraŭdy heta była ataka bieśpiłotnikaŭ na Kreml, ci majem spravu ź imitacyjaj napadu, insceniravanaj rasijskimi śpiecsłužbami dla apraŭdańnia ŭdaraŭ pa haradach Ukrainy.
Mer Maskvy Sabianin zabaraniŭ zapusk bieśpiłotnych latalnych aparataŭ u horadzie.
Pradstaŭnik Kramla Dźmitryj Piaskoŭ zajaviŭ, što parad na 9 Maja na Krasnaj płoščy adbudziecca, niahledziačy na padziei hetaj nočy.
Vybuch bieśpiłotnika nad Kramlom trapiŭ na videa. Mahčyma, jon byŭ źbity niepasredna nad pałacam.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary