Biełarusa zatrymali na niamiecka-polskaj miažy za dapamohu nielehalnym mihrantam
Pravaachoŭniki Hiermanii i Polščy zatrymali na miažy 28-hadovaha biełarusa pa padazreńni ŭ sadziejničańni nielehalnaj mihracyi. Pra heta paviedamlaje sajt «Biełaruś i śviet» sa spasyłkaj na niamieckuju palicyju.
U paniadziełak 1 maja kala 14:00 vartavyja paradku padvierhli kantrolu hrupu ź siami čałaviek na moście ŭ Frankfurcie-na-Odery. Imi akazalisia šeść siryjcaŭ i adzin samalijec va ŭzroście ad 19 da 51 hoda, u jakich nie było dakumientaŭ, jakija paćviardžajuć zakonnaść znachodžańnia ŭ krainie.
Hrupa da hetaha była vysadžana na polskim baku dvuma mužčynami. Apieratyŭnikam udałosia aryštavać u Słubicy adnaho ź ich — našaha suajčyńnika. Druhomu čałavieku ŭdałosia ŭciačy.
U dačynieńni da siryjcaŭ i samalijca raspačali spravu ab niezakonnym ujeździe i znachodžańni na terytoryi Niamieččyny. Mihranty padali prašeńni ab pradstaŭleńni im prytułku, tamu ich nakiravali ŭ pieršasny punkt pryjomu biežancaŭ u ziamli Brandenburh.
U dačynieńni da zatrymanaha kiroŭcy pačali rasśledavańnie pa padazreńni ŭ niezakonnym uvozie zamiežnikaŭ. Dalejšuju pracu pa spravie ŭziała na siabie polskaja pamiežnaja słužba.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary