Беларуса затрымалі на нямецка-польскай мяжы за дапамогу нелегальным мігрантам
Праваахоўнікі Германіі і Польшчы затрымалі на мяжы 28-гадовага беларуса па падазрэнні ў садзейнічанні нелегальнай міграцыі. Пра гэта паведамляе сайт «Беларусь і свет» са спасылкай на нямецкую паліцыю.
У панядзелак 1 мая каля 14:00 вартавыя парадку падверглі кантролю групу з сямі чалавек на мосце ў Франкфурце-на-Одэры. Імі аказаліся шэсць сірыйцаў і адзін самаліец ва ўзросце ад 19 да 51 года, у якіх не было дакументаў, якія пацвярджаюць законнасць знаходжання ў краіне.
Група да гэтага была высаджана на польскім баку двума мужчынамі. Аператыўнікам удалося арыштаваць у Слубіцы аднаго з іх — нашага суайчынніка. Другому чалавеку ўдалося ўцячы.
У дачыненні да сірыйцаў і самалійца распачалі справу аб незаконным уездзе і знаходжанні на тэрыторыі Нямеччыны. Мігранты падалі прашэнні аб прадстаўленні ім прытулку, таму іх накіравалі ў першасны пункт прыёму бежанцаў у зямлі Брандэнбург.
У дачыненні да затрыманага кіроўцы пачалі расследаванне па падазрэнні ў незаконным увозе замежнікаў. Далейшую працу па справе ўзяла на сябе польская памежная служба.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода20
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары