Ivan Kirčuk vydaŭ dvuchhadzinny albom-aŭdyjaśpiektakl. Tam 55 trekaŭ!
Na minułym tydni vyjšła novaja solnaja praca lidara hurta «Troica» Ivana Kirčuka pad nazvaj «Varažbit». Heta manumientalny albom!
«Varažbit» składajecca z 55 trekaŭ: heta i apracavanyja narodnyja śpievy, i aŭtarskija tvory Kirčuka, i vieršy, i navat hulni. Dvuchhadzinny rytuał, sieans suviazi z prodkami, biełaruskaja nacyjanalnaja miedytacyja dla daśviedčanych i nieafitaŭ, piša telehram-kanał «Biełaruskaja muzyka».
Archivy Ivana Ivanaviča — heta nieacenny skarb, hukavy ekskurs u minuŭščynu, aŭdyjadokaz isnavańnia mahutnaj tradycyi prodkaŭ, jakaja ryzykuje ŭ najlepšym vypadku zastacca tolki ŭ muziejach. Kirčuk pastupova hetyja archivy apracoŭvaje i źbiraje ŭ aŭdyjaśpiektakli — faktyčna adkryvaje biełarusam biełarusaŭ.
U kožnaha z hetych 55 trekaŭ svaja mahutnaja enierhietyka, heta dziasiatki maleńkich, ale hłybokich pazłaŭ, jakija ŭ vyniku źbirajucca ŭ adzin manumientalny rytuał. Dakładna, heta nie toj albom, jaki možna prabiehčy ŭ fonavym režymie. Dla taho, kab jon raskryŭsia pierad vami ŭ poŭnaj stupieni, treba sieści i ŭvažliva pasłuchać kožny trek, dazvolić sabie hetuju miedytacyju i adčuć hłybiniu, namalavać sabie vobrazy — tolki tady možna zrazumieć usiu mastackuju i histaryčnuju vartaść «Varažbita».
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary