Mieksikanskija ŭłady vyjavili amal 10 ton vadkaha mietamfietaminu ŭ butelkach ad tekiły
Ałkahol pavinien byŭ pajści na ekspart.
Mieksikanskija ŭłady kanfiskavali 11520 butelek ad tekiły, u jakich byŭ znojdzieny vadki mietamfietamin. Pra heta 25 krasavika paviedamiła ahienctva CNN.
Butelki ŭtrymlivali ŭ sabie zvyš 8,6 tysiačy kiłahram narkotyku, jaki pavinien byŭ pad vyhladam zvyčajnaj tekiły pajści na ekspart. Vyjavili jaho pry dapamozie słužbovych sabak i śpiecyjalnaj sistemy identyfikacyi chimičnych rečyvaŭ.
«Mietafietamin — heta stymulatar, jaki vyklikaje mocnaje pryvykańnie i zvyčajna sustrakajecca ŭ formie parašku abo kryštaloŭ. Dla zručnaści i niezaŭvažnaści transparciroŭki jaho časta pieratvarajuć u vadki rastvor, jaki zatym znoŭ viartajuć u zychodny ahrehatny stan dla spažyvańnia», — piša CNN.
Mieksikanskija ŭłady adznačajuć, što nie raz sustrakalisia z padobnymi trukami, adnak pieravozku pad vyhladam tekiły ŭsio adno nazvali «tvorčym» padychodam.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły7
Kamientary