U Minskim haradskim sudzie 21 krasavika adbyŭsia razhlad apielacyjnych skarhaŭ i prakurorskaha pratestu na prysud pa spravie «Viasny» suda Leninskaha rajona Minska ad 3 sakavika. Pavodle hetaha prysudu, trom palitźniavolenym pravaabaroncam Alesiu Bialackamu, Valancinu Stefanoviču i Uładzimiru Łabkoviču pryznačany žorstkija terminy ad 7 da 10 hadoŭ kałonii.
Prakuror prynios pratest, a palitźniavolenyja pravaabaroncy abskardzili prysud. Sud pa ich razhladzie pryznačyli mienš, čym za dva miesiacy, paviedamlaje «Viasna».
Na sudzie stała viadoma, što Karol prasiŭ źmianić prysud u častcy pryznačeńnia terminu tolki Uładzimiru Łabkoviču. Na jaho dumku, pryznačeńnie Łabkoviču pakarańnia ŭ vyhladzie šaści hadoŭ pazbaŭleńnia voli pavodle č. 4 art. 228 Kryminalnaha kodeksa jość niasłušnym, bo pa im moža być pryznačana pakarańnie ad 7 da 12 hadoŭ. Prakuror nastojvaŭ, što sud nie vyjaviŭ pryčyn dla pryznačeńnia Łabkoviču terminu nižej nižniaj miažy, praduhledžanaha Kryminalnym kodeksam. Tamu Karol u svaim prateście miarkuje nieabchodnym pryznačyć Łabkoviču pakarańnie pavodle častki 4 artykuła 228 Kryminalnaha kodeksa u vyhladzie siami hadoŭ pazbaŭleńnia voli. Vynikovy termin Uładzimiru Łabkoviču, na dumku dziaržabvinavaŭcy, pavinny zastacca raniejšym — siem hadoŭ pazbaŭleńnia voli. Sudovaja kalehija ź im pahadziłasia i zadavoliła pratest.
Alelacyjnyja skarhi «viasnoŭcaŭ» i ich abaroncaŭ pakinuty biez zadavalnieńnia.
21 krasavika prysud u adnosinach da palitźniavolenych pravaabaroncaŭ nabyŭ moc — chutka ich etapujuć u kałonii. U dačynieńni da Dźmitryja Sałaŭjova, jakoha asudzili da 8 hadoŭ zavočna, prysud ustupiŭ u siłu 3 sakavika, bo jon nie padavaŭ apielacyjnuju skarhu.
10 hadoŭ. Vyniesieny prysud nobieleŭskamu łaŭreatu Alesiu Bialackamu
Što ciapier z Nobieleŭskaj premijaj Alesia Bialackaha?
«Było 17 varyjantaŭ nobieleŭskaj lekcyi». Vialikaje intervju Natalli Pinčuk ab premii i kachańni
«Dabro i praŭda pavinny ŭmieć abaraniać siabie». Nobieleŭskaja pramova Alesia Bialackaha
Kamientary