Łaŭreaty XLIX Nacyjanalnaha konkursu «Mastactva knihi» i VI Mižnarodnaha konkursu «Mastactva knihi dziaržaŭ — udzielnic SND» buduć pradstaŭlać Biełaruś na konkursie «Lepšy knižny dyzajn śvietu»,
jaki adbudziecca ŭ krasaviku 2010 hoda ŭ horadzie Lejpcyh (Hiermanija). Pra heta paviedamiła kansultant upraŭleńnia vydavieckaj dziejnaści i knižnaha handlu Ministerstva infarmacyi Alena Šycik.
Siarod nakiravanych na konkurs vydańniaŭ — «Dzikaje palavańnie karala Stacha» U.Karatkieviča («Biełaruś»), «Hołosa ušiedšich dierievień» («Biełaruskaja navuka»), «Čaroŭny śviet. Ź biełaruskich mifaŭ, padańniaŭ, kazak», «Ziamla siły. Biełaviežskaja pušča» («Biełaruskaja Encykłapiedyja imia P.Broŭki»), «Napaleon Orda. Šlach da Baćkaŭščyny» Ł.Nieścierčuka, «Najvyšejšaja pieśnia Sałamonava» («Mastackaja litaratura»), «Otčie naš. Molitva Hospodnia» (vydaviectva Biełaruskaj pravasłaŭnaj carkvy).
Alena Šycik nahadała, što malaŭničaja kniha «Napaleon Orda. Šlach da Baćkaŭščyny» ŭ hetym hodzie stała ŭładalnicaj Hran‑pry mižnarodnaha konkursu krain SND «Mastactva knihi». Kniha papoŭnić biblijateki krain SND, što praduhledžana rašeńniem Miždziaržaŭnaha fondu humanitarnaha supracoŭnictva dziaržaŭ — udzielnic SND, jaki vydzieliŭ srodki.
Biełaruskija vydańni ŭ apošnija hady ŭdzielničajuć u mižnarodnym konkursie «Lepšy knižny dyzajn śvietu». Jany vyznačajucca aryhinalnymi ilustracyjami, nacyjanalnym stylem, vytančanym dyzajnam, vysokaj knižnaj kulturaj i vysoka ceniacca znatakami knižnaha mastactva va ŭsim śviecie, adznačyła śpiecyjalist.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary