Premjer Vienhryi nazvaŭ Ukrainu «finansava nieisnujučaj dziaržavaj». U Rasii jaho pachvalili
Premjer Vienhryi Viktar Orban zajaviŭ, što Ukraina «finansava nieisnujučaja kraina» i biez padtrymki partnioraŭ vajna adrazu skončycca; jaho słovy ŭžo vyklikali ŭchvalnuju reakcyju ŭ Maskvie, piša «Ukrainskaja praŭda».
Orban panarakaŭ na toje, što ŭ Jeŭropie hramadskaja dumka jašče nie hatovaja prymusić lidaraŭ krain pierahledzieć sankcyjnuju palityku ŭ dačynieńni da Rasii, ale «hety čas nastupić»; skardziŭsia na drennyja naviny z Ukrainy adnosna stanovišča vienhierskaj abščyny, a taksama pierajšoŭ da taho, što Jeŭropa vymušanaja finansavać mnohija patreby Ukrainy.
«Ukraina ŭ finansavym sensie nieisnujučaja kraina, jana nie moža sama siabie finansavać. Pytańnie staić pra toje, utrymlivajem my Ukrainu, ci nie. Jak tolki my skažam «nie» — vajna skončycca», — skazaŭ Viktar Orban.
Jon akcentavaŭ uvahu na tym, što Jeŭropa daje srodki na ŭkrainskija piensii, zarobki, patreby adukacyi i achovy zdaroŭja, nie dajučy hetyja srodki ŭ svaje biudžety, i tak «nie moža praciahvacca biaskonca».
Słovy Orbana ŭžo zaŭvažyŭ namieśnik sakratara Rady biaśpieki RF Dźmitryj Miadźviedzieŭ.
«Małajčyna, śmieła i dakładna dla jeŭrapiejskaha palityka. Možna tolki dadać, što jak tolki skončycca zachodniaje finansavańnie, skončycca sama Ukraina», — adreahavaŭ Miadźviedzieŭ.
U Kanhresie ZŠA rychtujuć sankcyi suprać viadučych palitykaŭ i čynoŭnikaŭ Vienhryi.
Orban nazvaŭ Ukrainu «ničyjnaj ziamloj» i paraŭnaŭ jaje z Afhanistanam
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary