Minčanki ŭpieršyniu vychodziać zamuž u siarednim u 27 hadoŭ. Mužčyny ženiacca krychu paźniej
Siaredni ŭzrost minčanak, jakija ŭpieršyniu vyjšli zamuž u 2022-m, skłaŭ 27,4 hoda. Mužčyny brali pieršy šlub u siarednim u 29,2 hoda, paviedamlajuć «Minsk-Naviny».
Šlub
Usiaho ŭ Minsku za minuły hod było zarehistravana 14 913 šlubaŭ, ź ich upieršyniu stali mužami 10 338 mužčyn, žonkami — 10 333 žančyny. Paŭtorna zarehistravali šlub 4 575 žanichoŭ i 4 580 niaviest, pry hetym siaredni ŭzrost mužčyn, jakija stali mužami paŭtorna, skłaŭ 42,1 hoda, žančyn, jakija vyjšli zamuž druhi ci nastupny raz, — 29,3 hoda.
Što tyčycca šlubaŭ z zamiežnikami, biełaruskija mužčyny ŭ jakaści mužoŭ, pa danych 2022 hoda, najbolš zapatrabavanyja ŭ hramadzianak Rasii (304 šluby), Ukrainy (57), Litvy (46), Turcyi (34), Łatvii (26) i Izraila (24). Minčanki ŭ jakaści žonak karystalisia papularnaściu ŭ hramadzian Rasii (271 šlub), Ukrainy (58), Litvy (8), Łatvii (7), Izraila (4), Hiermanii (2).
Razvody
U 2022 hodzie ŭ stalicy zarehistravana 7 364 razvody. Čaściej za ŭsio minčanie razvodziacca paśla 5—9 hadoŭ šlubu (2 038 razvodaŭ), na druhim miescy pa častacie razvodaŭ žonki paśla 2—4 hadoŭ (1 367 razvodaŭ) i paśla 10—14 hadoŭ (1 396). Treci radok zajmajuć razvody siarod siamiejnych par, jakija pražyli ŭ šlubie bolš za 20 hadoŭ (1 017 razvodaŭ). Radziej za ŭsio ŭ minułym hodzie razvodzilisia maładyja ludzi: siarod tych, chto ŭziaŭ šlub mienš za hod tamu, było zarehistravana 239 razvodaŭ, a siarod tych, chto pražyŭ u šlubie 1 hod, — 448.
Siarod sužencaŭ, jakija pryniali rašeńnie raźvieścisia, na dolu biaździetnych siemjaŭ pryjšłosia ŭ 2022 hodzie amal 42% ad usich raźviedzienych. U 39,2% vypadkaŭ raźvialisia siemji z adnym dziciem, u 18,9% vypadkaŭ šlub skasavali siemji z dvuma i bolš dziećmi.
Haściavy šlub i šmatmužniaja žonka: dziŭnyja siamiejnyja adnosiny
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia7
Kamientary