Biendžamin Fierenc, apošni prakuror Niurnbierha, pamior va ŭzroście 103 hadoŭ
«Pryčyna, pa jakoj ja praciahvaŭ pryśviačać bolšuju častku svajho žyćcia praduchileńniu vajny, zaklučajecca ŭ tym, što ja ŭśviedamlaju, što nastupnaja vajna zrobić papiaredniuju padobnaj na dziciačuju hulniu, — skazaŭ Fierenc kalehii advakataŭ u 2018 hodzie. — Zakon, a nie vajna zastajecca maim łozunham i majoj nadziejaj», paviedamlaje «Hołas Amieryki».
Biendžamin Fierenc, apošni žyvy abvinavaŭca Niurnbierhskaha pracesu ŭ Niamieččynie, jaki pryciahnuŭ da adkaznaści nacysckich vajennych złačyncaŭ paśla Druhoj suśvietnaj vajny, i daŭni pabornik mižnarodnaha kryminalnaha prava, syšoŭ u piatnicu va ŭzroście 103 hadoŭ.
Fierenc, juryst, jaki atrymaŭ adukacyju ŭ Harvardzie, damohsia prysudu dla šmatlikich niamieckich aficeraŭ, jakija padčas vajny ŭznačalvali latučyja eskadrony śmierci.
Jamu było ŭsiaho 27 hadoŭ, kali ŭ 1947 hodzie jon vystupiŭ u jakaści prakurora na Niurnbierhskim pracesie, na jakim nacysty paŭstali pierad sudom za złačynstvy suprać čałaviectva.
Paśla Druhoj suśvietnaj vajny Fierenc na praciahu dziesiacihodździaŭ vystupaŭ za stvareńnie mižnarodnaha suda, i hetaja meta była realizavanaja sa stvareńniem Mižnarodnaha kryminalnaha suda, jaki zasiadaje ŭ Haazie.
Fierenc taksama staŭ adnym z najbujniejšych sponsaraŭ muzieja Chałakosta, stvoranaha ŭ Vašynhtonie.
«Siońnia śviet straciŭ lidara, jaki šukaŭ spraviadlivaści dla achviar hienacydu i źviazanych ź im złačynstvaŭ. My smutkujem ab śmierci Bena Fierenca — apošniaha niurnbierhskaha prakurora pa vajennych złačynstvach. Va ŭzroście 27 hadoŭ, nie majučy dośviedu ŭdziełu ŭ sudovych pracesach, jon damohsia vyniasieńnia abvinavaŭčych prysudaŭ u dačynieńni da 22 nacystaŭ», — havorycca ŭ paviedamleńni Muzieja Chałakosta ŭ Twitter.
Today the world lost a leader in the quest for justice for victims of genocide and related crimes. We mourn the death of Ben Ferencz—the last Nuremberg war crimes prosecutor. At age 27, with no prior trial experience, he secured guilty verdicts against 22 Nazis.
U sakaviku 2022 hoda Fierenc daŭ intervju The Mirror jon zajaviŭ, što «złačynstvy, jakija ciapier ździajśniajucca Rasijaj suprać Ukrainy, zjaŭlajucca hańbaj dla čałaviečaha hramadstva, vinavatyja pavinny być pryciahnutyja da adkaznaści za ahresiju, złačynstvy suprać čałaviečnaści i prosta zabojstvy. Čym raniej złačyncaŭ pryciahnuć u sud, tym bolš ščaślivymi my budziem».
U tym ža intervju Fierenc vykazaŭ upeŭnienaść, što Uładzimira Pucina možna pasadzić u turmu — pa anałohii ź lidaram baśnijskich sierbaŭ Radavanam Karadžyčam. U sakaviku Mižnarodny kryminalny sud vydaŭ ordar na aryšt Uładzimira Pucina.
Hety fiłosaf pisaŭ pra vinu krainy-ahresara i toje, chto pavinien nieści adkaznaść. Jaho razvahi majuć značeńnie i dla nas
Trybunał dla Pucina i Łukašenki — što značyć rezalucyja Jeŭraparłamienta i jak taki sud budzie vyhladać
Jak biełarusam dalej žyć sa stukačami i achviarami? Vopyt niamieckaha hramadstva, jakomu daviałosia pryznać kalektyŭnuju vinu
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary