Dla zachavańnia radyjeaktyŭnych adkidaŭ razhladajucca try varyjanty
Placoŭku dla zachavańnia jadziernych adkidaŭ u Biełarusi buduć vybirać z troch varyjantaŭ, piša BiełTA. Uličvać źbirajucca, jak paviedamlajecca, ceły kompleks faktaraŭ — hieałahičnych, ekanamičnych i sacyjalnych.
«Ciapier pravodzicca padrychtoŭčaja praca. Vypracoŭvajucca padychody i kryteryi vybaru placoŭki. Płanujecca, što buduć vyznačanyja try alternatyŭnyja placoŭki i, zychodziačy z abjektyŭnaha razhladu plusoŭ i minusaŭ kožnaj, budzie abrany najbolš vyjhryšny varyjant z punktu hledžańnia biaśpieki», — zajaviŭ načalnik upraŭleńnia pa abychodžańni z radyjeaktyŭnymi adkidami Dziaržatamnahladu Dźmitryj Paŭłaŭ.
Dakładnyja terminy, kali budzie pryniata rašeńnie i pačniecca budaŭnictva punkta zachavańnia, nie nazyvajucca. U adpaviednaści sa stratehijaj pa abychodžańni z radyjeaktyŭnymi adkidami pieršaja čarha hetaha abjekta pavinna być zapuščanaja da 2030 hoda.
Stratehija była zaćvierdžanaja pastanovaj Savieta Ministraŭ №128 ad 15 lutaha 2023 hoda.
Stała viadoma miesca mahčymaha zachoŭvańnia jadziernych adkidaŭ ź BiełAES
Adpracavanaje paliva ź Biełaruskaj AES buduć viartać u Rasiju
«Čarnobyl budzie z nami nie 30 i navat nie 300 hadoŭ». Inžynier-fizik — pra novyja ryzyki dla Biełarusi ŭ suviazi z uvarvańniem rasijskich vajskoŭcaŭ na ŭkrainskija AES
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary