Rasija i Biełaruś padpisali na forumie «Atamekspa-2022» u Sočy mižuradavaje pahadnieńnie ab supracoŭnictvie ŭ śfiery abychodžańnia z adpracavanym jadziernym palivam i paradku jaho viartańnia ŭ Rasiju na pierapracoŭku, paviedamlajuć RIA Naviny.
Dakumientam, padpisanym hienieralnym dyrektaram dziaržkarparacyi «Rasatam» Alaksiejem Lichačovym i ministram enierhietyki Biełarusi Viktaram Karankievičam, vyznačajecca miechanizm uvozu apramienienych ciepłavydzialalnych zborak jadziernych reaktaraŭ u Rasiju dla časovaha zachoŭvańnia z nastupnaj pierapracoŭkaj i vyłučeńniem kaštoŭnych materyjałaŭ, u tym liku dla atamnaj enierhietyki. Taksama dakumient vyznačaje paradak viartańnia ŭ Biełaruś radyjeaktyŭnych adkidaŭ.
Praktyka viartańnia ŭ Rasiju adpracavanaha (apramienienaha) jadziernaha paliva isnuje dla ŭsich krain, dzie ekspłuatujucca reaktary AES, pabudavanyja pa rasijskich prajektach. Raniej u Minenierha Biełarusi paviedamlali, što mižuradavaje pahadnieńnie ab viartańni adpracavanaha paliva praduhledžana sajuznaj prahramaj pa raźvićci atamnaj enierhietyki.
Pieršy enierhabłok Biełaruskaj AES byŭ uviedzieny ŭ pramysłovuju ekspłuatacyju ŭ červieni 2021 hoda. Budaŭnictva druhoha błoka viadziecca ciapier.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary