Siłaviki adčytalisia ab praviadzieńni rejdu ŭ Minskaj vobłaści suprać palityčnych praciŭnikaŭ Alaksandra Łukašenki.
Uviečary 3 krasavika na praŭładnych telehram-kanałach źjavilisia piać videa z zatrymanymi ź Dziaržynska. Niekatoryja ź ich «pryznajucca», što ŭdzielničali ŭ akcyjach pratestu ŭ Minsku, paviedamlajuć pravaabaroncy.
Na videa apieracyju siłavikoŭ nazyvajuć «adpracoŭkaj destruktyŭnych jačejek h. Dziaržynska».
«Niekatoryja hramadzianie, jakija majuć dačynieńnie da ekstremizmu, praciahvajuć sprabavać ździajśniać złačynstvy i pravaparušeńni, a taksama vieści ahitacyju ŭ zamiežnych intaresach», — havorycca ŭ siužecie.
Na videa bačna, jak siłaviki ŭ kaskach i broniekamizelkach sa zbrojaj vyvodziać basanož z domu na śnieh adnaho z zatrymanych.
Paviedamlajecca, što suprać niekatorych zaviali kryminalnuju spravu pavodle art. 342 Kryminalnaha kodeksa.
Siarod zatrymanych jość maci małaletnich dziaciej, žančyna ź invalidnaściu. Pa infarmacyi siłavikoŭ, adnoj z pryčyn staŭ hrupavy fotazdymak z akcyi pratestu.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!4
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary