Anžalika Borys vyzvalenaja z-pad chatniaha aryštu, jaje spravu spynili
Jak daviedaŭsia «Biełsat», kiraŭnicu Sajuza palakaŭ Anžaliku Borys razam z maci vyklikali ŭ Minsk. Tam joj uručyli dakumient ab spynieńni spravy «ŭ suviazi z adsutnaściu składu złačynstva». Taksama joj paabiacali viarnuć usie rečy, zabranyja padčas śledstva.
Anžaliku Borys vyzvalili z-pad varty ŭ letašnim sakaviku. Supracoŭniki śpiecsłužbaŭ paprostu advieźli jaje ŭ viosku Hrabiani Hrodzienskaj vobłaści, dzie joj zahadali zastavacca pad chatnim aryštam u domie maci.
U pasłańni da biełaruskaha naroda 31 sakavika Łukašenka zhadaŭ Anžaliku Borys. Pavodle jaho słoŭ, paśla vyzvaleńnia jana vyrašyła zastacca ŭ Biełarusi, žyvie zvyčajnym žyćciom, bieśpieraškodna vyjazdžaje ŭ inšyja dziaržavy, ale mianiać miesca žycharstva nie źbirajecca.
Anžalika Borys i Andrej Pačobut byli zatrymanyja ŭviesnu 2021 hoda.
Razam ź imi byli aryštavanyja Iryna Biarnackaja i Maryja Ciškoŭskaja z Sajuza palakaŭ, a taksama Hanna Panišava, aktyvistka polskaj mienšaści z Bresta. Paźniej jany byli prymusova vyviezienyja ŭ Polšču.
Polšča nie pakidaje sprobaŭ vyzvalić Pačobuta. «Kali Andrej Pačobut zaŭtra budzie vyzvaleny, paślazaŭtra budzie adkryty pierachod u Babroŭnikach», — skazaŭ ministr unutranych spraŭ i administracyi Polščy Maryjuš Kamiński.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary