Polšča damahłasia vyzvaleńnia bolš za 10 palitviaźniaŭ u Biełarusi — pradstaŭnik MZS
Polščy ŭdałosia damahčysia vyzvaleńnia bolš za 10 palitviaźniaŭ u Biełarusi. Pra heta ŭ efiry Polskaha radyjo raspavioŭ namieśnik ministra zamiežnych spraŭ Polščy Pavieł Jabłoński. Hramadskaści viadomyja čatyry proźviščy.
Pa słovach Jabłońskaha, dypłamatyčnyja mietady ŭ adnosinach ź Biełaruśsiu nienadziejnyja, ale Polšča ŭsio ž damahajecca niekatorych pośpiechaŭ.
«Nam udałosia dasiahnuć mety ŭ vypadku navat bolš za 10 čałaviek. Ja nie chaču kazać pra detali hetych spraŭ, tamu što kožny raz byŭ indyvidualny padychod. U vypadku takich pieramoŭ treba być aściarožnym. Samy vialiki pośpiech — damahčysia vyzvaleńnia palitviaźniaŭ. Ja ciapier kažu pra palakaŭ, jakija znachodziacca ŭ biełaruskich turmach, tamu što heta dla nas pryjarytet, ale nam treba pamiatać, što pa palityčnych matyvach asudžana ŭ Biełarusi bolš za 1500 čałaviek», — zajaviŭ Jabłoński.
U 2021 hodzie Biełaruś vyzvaliła troch aktyvistak polskaj mienšaści. Jany byli vysłanyja ź Biełarusi ŭ Polšču. Heta Hanna Panišava, Maryja Ciškoŭskaja i Irena Biarnackaja.
U sakaviku 2022 hoda kiraŭnika niezarehistravanaha Sajuza palakaŭ Biełarusi Anžaliku Borys vyzvalili z-pad varty i pieraviali pad chatni aryšt. 9 lutaha na 8 hadoŭ kałonii asudzili žurnalista Andreja Pačobuta.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia28
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary