Piaskoŭ adkazaŭ na pytańnie pra toje, chto budzie kantralavać jadziernuju zbroju ŭ Biełarusi
Pres-sakratar prezidenta RF Dźmitryj Piaskoŭ na prośbu ŭdakładnić, chto budzie kantralavać taktyčnuju jadziernuju zbroju ŭ Biełarusi zaklikaŭ aryjentavacca na zajavy prezidenta RF Uładzimira Pucina ŭ intervju žurnalistu Paŭłu Zarubinu.
U intervju Paŭłu Zarubinu 25 sakavika Uładzimir Pucin zajaviŭ, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi, pra što «daŭno prasiŭ» Alaksandr Łukašenka. Pavodle prezidenta Rasii, budaŭnictva śpiecyjalnaha schovišča dla hetych uzbrajeńniaŭ skončycca da 1 lipienia 2023 hoda.
Pucin udakładniŭ, što Rasija nie pieradaje Biełarusi taktyčnuju jadziernuju zbroju, a tolki raźmiaščaje jaje, što dazvalaje nie parušać damoŭlenaści ab nieraspaŭsiudžvańni jadziernaj zbroi.
«My nie pieradajom. I ZŠA svaim sajuźnikam nie pieradajuć. My, u pryncypie, robim usio toje samaje, što jany rabili dziesiacihodździami. Jany majuć u peŭnych krainach sajuźnikaŭ i rychtujuć ich nośbity, ich ža rychtujuć ekipažy. My toje ž samaje źbirajemsia rabić», — skazaŭ jon.
Ale raniej ahučvalisia inšyja mierkavańni. Rašeńnie pra prymianieńnie jadziernaj zbroi budzie prymacca Biełaruśsiu i Rasijaj sumiesna, zajaŭlaŭ hienieralny sakratar SND Siarhiej Lebiedzieŭ. «Budzie dvajnaja knopka dla rašeńnia ab prymianieńni: buduć vyrašać i ŭ Rasii, i ŭ Biełarusi», — skazaŭ Lebiedzieŭ.
Łukašenka taksama vykazaŭsia pra jadziernuju zbroju: pavodle jaho, jaje nie prosta raźmieściać na terytoryi Biełarusi, heta budzie jaho zbroja.
Ambasadar RF u Minsku Barys Hryzłoŭ zajaviŭ, što jadziernaja zbroja ŭ Biełarusi budzie prysunutaja da zachodnich miežaŭ Sajuznaj dziaržavy.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary