U Słucku vaśmihadovaja dziaŭčynka myła akno zvonku na 9-m paviersie. Na nastupny dzień ź siamji zabrali dziaciej
Zdareńnie adbyłosia ŭ aŭtorak, kali vidavočcy paviedamili ŭ milicyju i ratavalnikam pra dziaŭčynku, jaki staić na aknie na dziaviatym paviersie šmatkvaternaha doma. U toj dzień byŭ mocny viecier i śnieh, paviedamlaje vydańnie «Słucki kraj».
Kali słužby prybyli na miesca, dzicia znachodziłasia ŭžo ŭ kvatery. Akazałasia, što vaśmihadovaja dziaŭčynka myła vokny, nie padazrajučy ab mahčymaj niebiaśpiecy dla svajho žyćcia. Jana była doma adna razam ź inšymi siostrami. Ich maci da taho času jašče nie viarnułasia z pracy.
Za hetaj siamjoj, u jakoj žyvuć piaciora dziaciej, naziraje kamisija pa spravach niepaŭnaletnich, bo jany znachodziacca ŭ sacyjalna niebiaśpiečnym stanoviščy. Starejšy syn žyvie ŭ ciotki.
Kamisija pa spravach niepaŭnaletnich chutka zreahavała na zdareńnie, zaprasiŭšy na pasiadžeńnie maci, dziaciej, kiraŭnikoŭ ustanoŭ adukacyi. Baćka nie źjaviŭsia.
Rašeńnie było pryniataje adnahałosna — zabrać dziaciej ź siamji, bo maci nie ažyćciaŭlaje naležny kantrol za imi, jany časta zastajucca biez nahladu.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary
Ja v 12 let užie za płuhom stojał.
Chotia koniečno rabota -- zło.
Łučšie ajfončik honiať