Rasijanin sfatahrafavaŭsia hoły na fonie śviaščennaj hary Ahunh. Jaho departujuć
«Jon parušyŭ normy i nie prajaviŭ pavahi da našaj kultury».
Rasijski błohier Jury Čylikin sfatahrafavaŭsia sa spuščanymi štanami na viaršyni hary Ahunh u Indaniezii. Fatazdymak raźlacieŭsia ŭ internecie, ale nastupstvy takoj «papularnaści» byli surjoznymi: mužčynu departavali z Bali.
Akramia hetaha, Juryju Čylikinu taksama budzie zabaroniena naviedvańnie krainy minimum na 6 miesiacaŭ.
«Jon parušyŭ normy i nie prajaviŭ pavahi da našaj kultury», — skazaŭ kiraŭnik ministerstva justycyi i pravoŭ čałavieka Indaniezii Anhijat Napitupułu, kamientujučy incydent.
Rasiejec zapisaŭ u svaim instahramie videa, u jakim pryznaŭ vinu za zroblenaje fota i skazaŭ, što jaho dziejańniam «niama apraŭdańnia».
«Maim učynkam niama apraŭdańnia. Adzinaje, što pryviało da taho, što adbyłosia, — heta majo asabistaje niaviedańnie», — paviedamiŭ u svaim videa Juryj, paśla jakoha mužčyna paŭdzielničaŭ u śpiecyjalnym abradzie ačyščeńnia hary.
Hara Ahunh — heta samy vysoki punkt vostrava Bali, u induistaŭ jana ličycca «žytłom bahoŭ». Ułady Indaniezii nie tak daŭno stali bolš surjozna stavicca da niedapuščalnych pavodzinaŭ turystaŭ, jakija naviedvajuć kurort i haru. Rašeńnie ab departacyi rasijanina padtrymali i miascovyja žychary.
Miascovyja čynoŭniki ž zaklikajuć da «bieskampramisnaści» u adnosinach da parušeńniaŭ pravił i zakonaŭ turystami. Z-za padobnych incydentaŭ na Bali płanujuć zabaranić turystam karystacca matacykłami, a taksama abmiežavać im pachody ŭ hory.
Heta nie pieršy incydent z rasijanami na Bali. Tolki za apošni miesiac indaniezijskija ŭłady departavali niekalki dziasiatkaŭ čałaviek za parušeńni normaŭ miascovaha zakanadaŭstva.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?5
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary
Vy jaho papytajcie što jen pra Ŭkrainu dumaje, a ŭžo paśla kidajciesia baranić, a to ŭsialakaje moža być
z raźvićciom interneta praśviatleńnie ŭ mazhach pajšło chutčej