Paciarpiełych u Branskaj vobłaści hatovy pryniać dźvie ŭstanovy Minska
Pra heta paviedamiła Minzdaroŭja.
Ministerstva achovy zdaroŭja paviedamlaje, što na dadzieny momant pieciarych paciarpiełych dziaciej (adno dzicia ŭ ciažkim stanie) hatovy pryniać u RNPC dziciačaj chirurhii, a darosłaha pacyjenta špitalizujuć u 432‑i hałoŭny vajskovy kliničny miedycynski centr Uzbrojenych sił.
«Na hety momant evakujujucca šaściora paciarpiełych. Ź ich dvoje — u ciažkim stanie: adno dzicia i adzin darosły. Jašče čaćviora znachodziacca ŭ stanie roznaj stupieni ciažkaści, ale nie ciažkim», — skazaŭ raniej ministr achovy zdaroŭja Alaksandr Chadžajeŭ.
Chłopčyku, jaki znachodzicca ŭ ciažkim stanie, učora viečaram źmiešanaj bryhadaj, u skład jakoj uvachodzili śpiecyjalisty z Maskvy, Branska i Biełarusi, była praviedziena apieracyja.
Učora, 17 červienia, u Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary