Raźviedka NATO nie fiksuje realnaha raźmiaščeńnia rasijskaj jadziernaj zbroi na biełaruskaj terytoryi. Razam z tym u Aljansie papiaredžvajuć: biełaruskaje vojska metanakiravana rychtujuć da chutkaj intehracyi ŭ rasijskuju vajennuju mašynu, tamu technična taktyčnyja zarady mohuć źjavicca ŭ krainie vielmi apieratyŭna, piša Reform.news.
U Brusieli prajšła sustreča ministraŭ abarony krain NATO. Heta apošniaja sustreča vysokaha ŭzroŭniu pierad samitam, jaki projdzie ŭ lipieni i vyznačyć zadačy i płany Aljansu na najbližejšyja hady. Žurnalist Reform.news pabyvaŭ na hetym mierapryjemstvie.
Jak piša vydańnie, słova «Biełaruś» ni razu nie prahučała na asnoŭnych pres-kanfierencyjach i bryfinhach sustrečy ministraŭ abarony. Na palach i ŭ kułuarach jano hučała pieravažna ad biełaruskich žurnalistaŭ.
Tak, na pytańnie žurnalista Reform.news adzin z vysokapastaŭlenych pradstaŭnikoŭ NATO skazaŭ, što raźviedka Aljansu nie bačyć nijakich prykmiet raźmiaščeńnia na terytoryi Biełarusi rasijskaj jadziernaj zbroi, niahledziačy na šmatlikija zajavy rasijskaha i biełaruskaha kiraŭnictva, a taksama roznyja vučeńni pa prymianieńni hetaj zbroi.
Tym nie mienš, hetyja vučeńni śviedčać pra toje, što biełaruskija vajskoŭcy trenirujucca dla taho, kab być hatovymi da chutkaj intehracyi ŭ rasijskuju vajennuju mašynu, i taktyčnaja jadziernaja zbroja moža źjavicca ŭ Biełarusi dastatkova chutka.
Taksama, pavodle jaho acenki, raźmiaščeńnie ŭ Biełarusi rasijskaj jadziernaj zbroi ničoha nie źmienić u vajskovym płanie i budzie tolki čarhovaj jadziernaj pahrozaj, da jakich Kreml źviartajecca, kab adciahnuć uvahu ad svaich paražeńniaŭ na poli boju.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva10
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary