«Chiba adbyłosia niešta pazityŭnaje?» Prezident Litvy suprać źmiakčeńnia sankcyj adnosna režymu Łukašenki
Prezident Litvy Hitanas Naŭsieda 23 sakavika ŭ Brusieli ŭ kamientaryi žurnalistam nazvaŭ nieprymalnymi sproby niekalkich krain Jeŭrasajuza prabić źmianšeńnie sankcyjnaha cisku na režym Alaksandra Łukašenki ŭ Minsku. Pavodle jaho, dla hetaha niama nijakich padstaŭ.
«My ŭviali hetyja sankcyi ź vielmi vyraznymi metami. Jany byli ŭviedzienyja, kab hetyja dva režymy adčuli nastupstvy svaich dziejańniaŭ, najpierš kali havorka zachodzić pra vajnu va Ukrainie. U vypadku ź Biełaruśsiu my havorym i pra inšyja rečy. Naprykład, vymušanaja pasadka samalota abo nielehalnaja mihracyja.
I skažycie mnie, ci adbyłosia što-niebudź pazityŭnaje, kab hetyja sankcyi možna było źmiakčyć? Ničoha. Situacyja rabiłasia tolki horšaj.
Biełaruski režym staŭ jašče bolš padtrymlivać Rasiju ŭ hetaj vajnie. Ci byli vyzvalenyja z turmaŭ palityčnyja źniavolenyja? Nie. Heta aznačaje, što my nie pavinny dapamahać hetym dvum dyktatarskim dziaržavam śviatkavać pieramohu nad nami ŭ vyhladzie pasłableńnia sankcyj», — adznačyŭ Naŭsieda.
Bolš za toje, palityk zaklikaŭ, naadvarot, zmahacca sa sprobami abyści dziejnyja sankcyi.
Pavodle jaho, hrašovyja patoki ad uhnajeńniaŭ — adna z hałoŭnych krynic finansavańnia režymu Łukašenki, tamu pa joj treba bić.
Raniej źjaŭlałasia infarmacyja, što adrazu niekalki krain, a taksama AAN łabirujuć mahčymaść źmiakčeńnia sankcyj suprać biełaruskaha kaliju, prykryvajučysia intaresami biednych krain, jakim biez hetych uhnajeńniaŭ pahražajuć surjoznyja prablemy.
AAN niezadavolenaja Litvoj, što nie daje vazić biełaruski kalij
Joźviak: Za vyvad biełaruskaha kaliju z-pad sankcyj vystupajuć Partuhalija, Bielhija, Niderłandy i Francyja
AAN i Brazilija praz Partuhaliju łabirujuć vyvad Huceryjeva i Hałavataha z-pad sankcyj
Prezident Litvy: Litoŭskija kampanii, u dvarach jakich łunajuć ukrainskija ściahi, mohuć adnačasova dapamahać Łukašenku
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ155
Kamientary