Prezident Litvy: Litoŭskija kampanii, u dvarach jakich łunajuć ukrainskija ściahi, mohuć adnačasova dapamahać Łukašenku
Paśla taho, jak ŚMI vyśvietlili, što karbamid «Hrodna Azota», jaki znachodzicca pad sankcyjami, nielehalna pieravoziać praź Litvu, prezident Litvy Hitanas Naŭsieda zajaviŭ, što maje infarmacyju ab kryvadušnaści niekatorych litoŭskich kampanij, paviedamlaje LRT.
«Lepš za ŭsio sankcyjanavać tavary. Kali b my sankcyjanavali tavary i nie rabili nijakich ahavorak, to dumaju, što kantrolnyja orhany zmahli b značna bolš efiektyŭna vykonvać svaju pracu.
Ciapier časam pa roznych pryčynach, u tym liku i tamu, što my hetyja sankcyi zrabili vielmi składanymi, sa šmatlikimi ahavorkami, davoli niepaśladoŭnymi, hety sizifaŭ kamień musiać kacić kantrolnyja orhany», — prakamientavaŭ situacyju kiraŭnik krainy.
Naŭsieda taksama paviedamiŭ, što ŭ jaho jość infarmacyja, što niekatoryja litoŭskija kampanii, u dvarach jakich łunajuć ukrainskija ściahi, u toj ža čas dapamahajuć režymu Łukašenki paźbiehnuć sankcyj.
«Treba vyznačycca, na jakim my baku — na baku Ukrainy, na baku praŭdy ci chłuśni i brudu», — skazaŭ Naŭsieda.
Na minułym tydni byli apublikavanyja rasśledavańni, ź jakich vynikała, što «Hrodna Azot» stvaryŭ efiektyŭnyja schiemy, jakija dazvalajuć jamu abychodzić nakładzienyja na pradpryjemstva sankcyi, i što ŭ hetym zadziejničanyja ŭ tym liku i litoŭskija kampanii.
Čytajcie taksama:
Litoŭskija słužby rasśledujuć, chto dapamahaje pastaŭlać biełaruskija ŭhnajeńni ŭ Jeŭropu. Zatrymali karbamidu na 2 młn jeŭra
Litoŭskaja čyhunka zatrymała 15 vahonaŭ ź biełaruskimi ŭhnajeńniami
Firmu-prakładku dla abychodu sankcyj uznačalvaje staršynia adnaho z vybarkamaŭ 2020 hoda — rasśledavańnie
Pradukcyju z padsankcyjnaha «Hrodna Azota» vieźli ŭ Sierbiju. Padrabiaznaści akcyi «Rabočaha ruchu»
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Hłavnoje vtiahivať na śviet (opubličivať) etich liciemierov i po suti priestupnikov i součaśnikov riežima.