Litoŭskija słužby rasśledujuć, chto dapamahaje pastaŭlać biełaruskija ŭhnajeńni ŭ Jeŭropu. Zatrymali karbamidu na 2 młn jeŭra
Kryminalnaja słužba litoŭskaj mytni ŭ supracoŭnictvie z Departamientam dziaržbiaśpieki i Słužbaj rasśledavańnia finansavych złačynstvaŭ Litvy rasśledujuć fakt kantrabandy ŭhnajeńniaŭ, vyrablenych kampanijaj «Hrodna Azot», jakaja patrapiła pad sankcyi ES, piša Delfi.
Dasudovaje rasśledavańnie było raspačataje 13 studzienia 2023 hoda. Jaho ŭznačalvaje prakuror Kłajpiedskaj akruhovaj prakuratury. Raniej rasśledavańnie nie kamientavali, kab nie zaminać pracy.
Zatrymana bolš za 3 tysiačy ton karbamidu (košt uhnajeńniaŭ bolšy za 2 młn jeŭra), jakija vieźli pa čyhuncy.
U kampanijach (jany nie nazyvajucca) troch haradoŭ na terytoryi Litvy byli praviedzienyja vobšuki. Padazrajuć, što hetyja kampanii mahli ŭdzielničać u «cieniavych» schiemach dla abychodu mižnarodnych sankcyj.
U spravie dvoje padazravanych, jany zatrymanyja.
Niadaŭna vyjšła rasśledavańnie, dzie śćviardžałasia, što karbamid pa-raniejšamu voziać ź Biełarusi ŭ inšyja krainy Jeŭropy — čyhunačnym i hruzavym transpartam.
Jaho voziać nibyta ad inšaj kampanii, choć adziny jaho vytvorca ŭ Biełarusi — «Hrodna Azot».
13 lutaha «Rabočy ruch» paviedamiŭ, što jany zabłakavali dźvie fury na vyjeździe z pahranpierachoda «Pryvałka — Rajharad». Mašyny byli zahružanyja karbamidam i mieli sierbskija numary.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu52
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary