Na jutub-kanale Lavona Volskaha kampazicyja acharaktaryzavanaja jak «liryčnaja pieśnia pra toje, jak nialohka i jak pačesna być biełarusam u hety składany, ščymlivy i balučy čas».
Pieśnia napisanaja na słovy byłoha dyrektara Biełaruskaj słužby «Radyjo Svaboda» Alaksandra Łukašuka.
Kałychanka
...I hołasu ŭsich nie pazbaviać,
Tolki ciabie.
I nie pazbaviać usich Radzimy,
Tolki ciabie.
I ŭ turmu ŭsich nie kinuć,
Tolki ciabie.
I na vajnie ŭsich nie zabjuć,
Tolki ciabie.
Ale lubić buduć
Tolki ciabie.
I paminać u malitvie buduć
Tolki ciabie,
Bo hołas Biełarusi
Tolki ty.
Prezientacyja treciaha toma tryłohii «Hałasy Biełarusi» adbudziecca 23 sakavika ŭ Vilni ŭ Centry biełaruskaj kultury i supolnaści ŭ 18:00 pa adrasie Vilniaus, 20. Uvachod volny. Tryłohiju vypuściła «Biblijateka Svabody».
«Try hady novaha biełaruskaha adradžeńnia možna apisać tryma słovami: paŭstańnie, turma, vajna. Hetaja tryłohija histaryčnaha ruchu, kažučy słovami Hiehiela, źjaŭlajecca šlacham uśviedamleńnia svabody. U formuły jość druhaja častka — svabodu treba ŭśviadomić jak nieabchodnaść», — padkreśliŭ Alaksandar Łukašuk.
Na prezientacyi ŭ Vilni adbudziecca i pieršy žyvy vystup Lavona Volskaha ź pieśniaj «Kałychanka».
Kancerty Marharyty Laŭčuk u Varšavie i Hdańsku nie adbuducca. Pryčyna vielmi surjoznaja
Z 29 sakavika pačnie pradavacca «Vialiki Hetśbi» pa-biełarusku
Minkult admianiŭ kinafiestyval «Niefiltravanaje kino» za dva dni da pačatku
Kamientary
da čto ž takoje...