Rasijskaja vice-premjerka zaklikała rasijan nie kuplać novyja džynsy kožny hod
Vice-premjer Viktoryja Abramčanka raspaviała, što razam ź siamjoj sartuje śmiećcie. Jana prapanavała rasijanam nie kuplać kožny siezon novyja džynsy, tamu što na ich vytvorčaść sychodzić šmat vady, piša RBK.
Vice-premjer Viktoryja Abramčanka, jakaja kuryruje nacprajekt «Ekałohija», raspaviała ŭ efiry telekanała «Rasija 24» ab karysnych ekałahičnych zvyčkach u jaje siamji i zaklikała rasijan nie kuplać kožny siezon novyja džynsy.
Tak, na pytańnie žurnalista pra toje, ci jość u jaje siamji karysnyja ekałahičnyja zvyčki, Abramčanka adkazała, što jana i členy jaje siamji «pačali spažyvać śviadoma». Pavodle jaje słoŭ, bolš za 50% u śmiećcievym viadry žychara sučasnaha miehapolisa ciapier zajmaje ŭpakoŭka ad roznych tavaraŭ. «Ja zaraz starajusia nabyvać toje, dzie mienš upakoŭki, u mianie ciapier płastyk, u mianie ciapier škło, ja sartuju śmiećcie», — raspaviała vice-premjer.
Na prośbu dać paradu ludziam, jakija chočuć unieści pasilny ŭkład u palapšeńnie ekałohii, Abramčanka prapanavała pierad kuplaj čaho-niebudź dumać, jak zatym možna budzie ŭtylizavać hetyja tavary.
«Jašče džynsy: kali łaska, nie kuplajcie kožny siezon novyja džynsy!» — skazała jana, patłumačyŭšy, što pry ich vytvorčaści vykarystoŭvajecca zanadta šmat vady. «Možna chadzić dastatkova doŭha ŭ adnych i tych ža džynsach ci niejak ich reanimavać», — adznačyła Abramčanka.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary