Biełaruskich futbalistaŭ prahoniać praź ideałahičny tavaryski sud. Chto kaho budzie sudzić?
Dniami stała viadoma, što ŭ barysaŭskim BATE, niekali najlepšym biełaruskim kłubie, adbyvajecca ideałahičnaja čystka. Z kamandy prybrali amal pałovu asnoŭnaha składu, ale hetaje rašeńnie nie kančatkovaje.
Hulcy BATE, jak i niekalki dziasiatkaŭ inšych futbalistaŭ, trapili pad udar praź videa suprać hvałtu, u jakim jany źnialisia ŭ 2020 hodzie. U kancy śniežnia «Trybuna» paviedamiła pra isnavańnie «čornaha śpisu» hulcoŭ: 49 futbalistaŭ, pa mierkavańni ŭładaŭ, pavinny byli zhubić mahčymaść pracavać u biełaruskim futbole. Siarod niepažadanych akazalisia daśviedčanyja hulcy nacyjanalnaj zbornaj, uładalniki biełaruskich trafiejaŭ, udzielniki hrupavych stadyj jeŭrakubkaŭ.
A niadaŭna źjaviłasia infarmacyja pra toje, što hulcy z «čornaha śpisu» ŭsio ž mohuć praciahnuć karjeru ŭ biełaruskim futbole, ale dla hetaha im treba budzie prajści praz admysłovuju kamisiju. Pakul nieviadoma, što budzie adbyvacca na pasiadžeńniach kamisii i što zapatrabujuć ad hulcoŭ, kab dakazać łajalnaść. Ale insajdary nazyvajuć imia adnaho z čalcoŭ kamisii — heta paŭabaronca minskaha «Dynama» Anton Puciła.
Jak piša «Trybuna», ministr sportu Siarhiej Kavalčuk zrabiŭ Puciłu svajoj davieranaj asobaj. Futbalist atrymaŭ zadańnie vyvučyć «čorny śpis» i padrychtavać pieralik tych, kaho, pa jaho mierkavańni, treba pakinuć u biełaruskim futbole. Siarod tych, čyj los budzie vyznačać Puciła, znachodzicca jak minimum adzin jaho były adnakłubnik — Stanisłaŭ Drahun, adzin z najbolš daśviedčanych hulcoŭ BATE, ź jakim Puciła razam hulaŭ u minskim «Dynama».
«Naša Niva» — bastyjon biełaruščyny
PADTRYMAĆPadymać futboł daručać ahraryju-hiraviku — «Trybuna»
Piać hadoŭ najhučniejšamu biełaruskamu zołatu ŭ bijatłonie. Dzie ciapier tyja, chto jaho zdabyŭ
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary