Беларускіх футбалістаў прагоняць праз ідэалагічны таварыскі суд. Хто каго будзе судзіць?
Днямі стала вядома, што ў барысаўскім БАТЭ, некалі найлепшым беларускім клубе, адбываецца ідэалагічная чыстка. З каманды прыбралі амаль палову асноўнага складу, але гэтае рашэнне не канчатковае.
Гульцы БАТЭ, як і некалькі дзясяткаў іншых футбалістаў, трапілі пад удар праз відэа супраць гвалту, у якім яны зняліся ў 2020 годзе. У канцы снежня «Трыбуна» паведаміла пра існаванне «чорнага спісу» гульцоў: 49 футбалістаў, па меркаванні ўладаў, павінны былі згубіць магчымасць працаваць у беларускім футболе. Сярод непажаданых аказаліся дасведчаныя гульцы нацыянальнай зборнай, уладальнікі беларускіх трафеяў, удзельнікі групавых стадый еўракубкаў.
А нядаўна з’явілася інфармацыя пра тое, што гульцы з «чорнага спісу» ўсё ж могуць працягнуць кар’еру ў беларускім футболе, але для гэтага ім трэба будзе прайсці праз адмысловую камісію. Пакуль невядома, што будзе адбывацца на пасяджэннях камісіі і што запатрабуюць ад гульцоў, каб даказаць лаяльнасць. Але інсайдары называюць імя аднаго з чальцоў камісіі — гэта паўабаронца мінскага «Дынама» Антон Пуціла.
Як піша «Трыбуна», міністр спорту Сяргей Кавальчук зрабіў Пуцілу сваёй даверанай асобай. Футбаліст атрымаў заданне вывучыць «чорны спіс» і падрыхтаваць пералік тых, каго, па яго меркаванні, трэба пакінуць у беларускім футболе. Сярод тых, чый лёс будзе вызначаць Пуціла, знаходзіцца як мінімум адзін яго былы аднаклубнік — Станіслаў Драгун, адзін з найбольш дасведчаных гульцоў БАТЭ, з якім Пуціла разам гуляў у мінскім «Дынама».
«Наша Нiва» — бастыён беларушчыны
ПАДТРЫМАЦЬПадымаць футбол даручаць аграрыю-гіравіку — «Трыбуна»
Пяць гадоў найгучнейшаму беларускаму золату ў біятлоне. Дзе цяпер тыя, хто яго здабыў
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»7
Каментары