U Minsku vośmy raz sprabujuć pradać majomaść zakrytaha zavoda, cana pamienšała ŭ piać razoŭ
Na tarhi znoŭ vystavili majomaść Minskaha zavoda aciaplalnaha abstalavańnia na vulicy Cimirazieva, paviedamlaje sajt «Biełrealizacyja». Vializnaja terytoryja byłoha pradpryjemstva pradajecca ŭ piać razoŭ tańniej za svaju pačatkovuju canu.
Aŭkcyjon pryznačany na 27 sakavika, start padačy zajavak — 11 sakavika. Pačatkovaja cana łota — 12,9 młn rubloŭ.
Tak jak tarhi projduć na panižeńnie, minimalnaja staŭka pry najaŭnaści adzinaha pakupnika składzie kala 6,5 młn rubloŭ.
Minuły aŭkcyjon pavinien byŭ adbycca 1 sakavika, košt łota pry hetym składaŭ 9,3 młn dalaraŭ pa kursie. Adnak praz adsutnaść achvotnych nabyć terytoryju zavoda tarhi nie adbylisia.
Upieršyniu Minski zavod aciaplalnaha abstalavańnia (taksama jaho zavuć radyjatarnym), sprabavali pradać u červieni 2022 hoda z pačatkovaj canoj amal 65 młn biełaruskich rubloŭ. Z taho času jaho cana źmienšyłasia ŭ 5 razoŭ.
Uličvajučy toje, što łot nie pradaŭsia za siem papiarednich sprob, kančatkovaja cana moža źnižacca paśla jašče bolš.
Byłoje pradpryjemstva znachodzicca pa adrasie vulica Cimirazieva, 29 u pramzonie kala čyhunačnych šlachoŭ i niedaloka ad RCAP pa tenisie.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia2
Kamientary