Abiacajuć, što rekanstrukcyja, jakaja pačałasia paśla pažaru Notr-Dama, budzie całkam adpaviadać siaredniaviečnamu aryhinału.
Sabor Paryžskaj Božaj Maci budzie adkryty dla naviedvalnikaŭ i viernikaŭ užo ŭ śniežni 2024 hoda. Pra heta paviedamiła ahienctva Associated Press sa spasyłkaj na aficyjnyja asoby Francyi.
Pa słovach adkaznaha za rekanstrukcyju sabora hienierała Žan-Łui Žaržlena, hety termin vyznačyŭ asabista prezident Francyi Emaniuel Makron, adnak pracy pa adnaŭleńni nie paśpiejuć skončycca da pačatku letnich Alimpijskich hulniaŭ u Paryžy.
Pry hetym jon adznačyŭ, što nad adnaŭleńniem sabora pracuje amal tysiača čałaviek, a znakamity špil Notr-Dama vyšynioj 93 mietry (jaki abrynuŭsia pry pažary) znoŭ zaźziaje ŭ niebie francuzskaj stalicy.
«Samaje składanaje — heta kožny dzień prytrymlivacca vyznačanaha płana, jaki maje na ŭvazie adnaŭleńnie karkasa, sklapieńniaŭ, rośpisaŭ, kamianioŭ, vitražoŭ, arhana i šmat čaho inšaha, uklučajučy znakamity špil Notr-Dam, čyjo viartańnie ŭ nieba Paryža stanie mahutnym sihnałam adradžeńnia sabora», — skazaŭ Žaržlen ahienctvu AP.
Taksama nakont hetaha vykazaŭsia Filip Žost, dyrektar adnaho ź dziaržaŭnych ahienctvaŭ, jakija kuryrujuć rekanstrukcyju. Jon zajaviŭ, što adnoŭleny Sabor Paryžskaj Božaj Maci «budzie adpaviadać aryhinalnaj architektury, dziakujučy vykarystańniu aŭtentyčnych materyjałaŭ i siaredniaviečnych mietadaŭ budaŭnictva».
«Pry budaŭnictvie sklapieńniaŭ my vykarystoŭvajem sapraŭdny kamień, a nie padobny da jaho bieton. Karkas dachu budzie zrobleny z sapraŭdnaha dubu, jak heta było spradvieku. Naohuł usia rekanstrukcyja budzie zroblena tak, byccam budynak stvorany ŭ Siaredniavieččy», — adznačyŭ Žost.
Nahadajem, što ŭ krasaviku 2019 hoda ŭ Sabory Paryžskaj Božaj Maci adbyŭsia pažar, z-za jakoha abvalilisia špil i apornaja kanstrukcyja budynka. Sami relikvii i tvory mastactva słavutaha kaścioła pry hetym zbolšaha nie paciarpieli.
Mahčymymi pryčynami pažaru byli nazvany prablemy z elektryčnaściu ci čałaviečy faktar u vyhladzie niepatušanaj cyharety.
Čytajcie jašče:
Ci paznajecie biełaruskija harady i miastečki pa ich słavutaściach? Test
Hladzicie, jakuju pravasłaŭnuju carkvu zbudavali na miescy terakta 11 vieraśnia ŭ Ńju-Ërku FOTY
Ci možna pradavać carkoŭnyja relikvii? Mierkavańni śviatara, relihijaznaŭcy i pravavyja realii
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary