Kryž z «Pahoniaj». Abjadnany pierachodny kabiniet zasnavaŭ uznaharodu dla biełaruskich partyzan i padpolščykaŭ
Abjadnany pierachodny kabiniet Biełarusi zasnavaŭ novuju ŭznaharodu — «Partyzanski Narodny kryž». Heta nahrudny hanarovy znak, jakim buduć ušanoŭvać dziejačaŭ biełaruskaha partyzanskaha i padpolnaha ruchu za akcyi, nakiravanyja na asłableńnie i likvidacyju ŭłady akupacyjnaj administracyi, paviedamlaje APK.
Uznaharoda, raspracavanaja Hieraldyčnaj radaj, ujaŭlaje saboj kryž sierabrystaha koleru z vyjavaj hierba «Pahonia» pa centry. Pad «Pahoniaj» — vyjava čerapa z kostkami, pamiž kancami kryža pa dyjahanali — dva miačy sierabrystaha koleru.
Na advarotnym baku «Partyzanskaha Narodnaha kryža» źmieščany nadpis «NIKOLI NIA BYĆ U NIAVOLI», pad jakim — numar uznaharody.
Kryž vyrableny z łatuni z pakryćciom srebram 925 proby i macujecca da adzieńnia admysłovaj špilkaj.
«U skład łatuni, ź jakoj vyrableny kryž, dadadzieny mietał z rasijskich tankaŭ, raźbitych va Ukrainie», — skazała pradstaŭnica pa nacyjanalnym adradžeńni Alina Koŭšyk.
Da ŭznaharody prykładajecca paśviedčańnie ab uznaharodžvańni i ŭznaharodny list.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary