Prastuda i hryp časta supravadžajucca zakładzienaściu nosa, a niekatoryja žyvuć z hetym cełuju zimu. Kropli ŭ nos dapamahajuć, ale ŭ ich jość svaje niebiaśpieki.
Pierš za ŭsio, važna razumieć, što isnujuć niekalki typaŭ nazalnych kroplaŭ. Usie jany vyrašajuć adnu i tuju ž prablemu, to-bok zakładzienaść nosa, ale dziejničajuć pa-roznamu, piša huffpost.com.
Čaściej za ŭsio vykarystoŭvajucca chutkadziejnyja nazalnyja dekanhiestanty (sasudazvužalnyja srodki) nakštałt ksiłamietazalinu, a taksama leki na asnovie steroidaŭ, što ratujuć ad alerhii abo raźličanyja na doŭhaterminovaje ŭžyvańnie.
Kropli i sprei na steroidach (naprykład, marezon ci mamieneks) pracujuć dziakujučy tamu, što steroidy źnižajuć zapaleńnie i kolkaść ślizi ŭ nosie, jakaja spryjaje zakładzienaści. Što da sasudazvužalnych srodkaŭ, praz toje, što jany zvužajuć sasudy, da ślizistaj nosa traplaje mienš kryvi i ŭ vyniku jana mienš aciakaje.
Jość papularnaje mierkavańnie, što kali rehularna vykarystoŭvać kropli ŭ nos, možna atrymać zaležnaść ad ich, i jano niebiespadstaŭnaje. Kali vy karystajeciesia sasudazvužalnymi kroplami pastajanna, tkanki nosa časam pačynajuć ad ich zaležać, i jak tolki srodak vyvodzicca ź ich, aciok viartajecca i čałaviek znoŭ ciahniecca pa kropli. U vyniku možna atrymać takuju zakładzienaść nosa, na jakuju hetyja kropli ŭžo nie buduć uździejničać.
Tamu pažadana nie vykarystoŭvać takija kropli daŭžej za siem dzion. U ZŠA daktary navat rajać abmiažoŭvacca ŭsiaho tryma dniami. Kali ž karystacca imi na praciahu niekalkich tydniaŭ, vy možacie atrymać chraničny nasmark.
Tym nie mienš, zusim nie zaŭsiody zakładzienaść prachodzić za try dni, a pry hetym chočacca volna dychać. Što moža dapamahčy?
- Pasprabujcie vykarystoŭvać neci-poty (heta kantejniery dla arašeńnia nosa) ci pramyvać nos fizijałahičnym rastvoram abo lekami na bazie marskoj vady.
- Udychańnie pary moža palehčyć simptomy, chacia i nie pazbavić ad ich całkam. Z hetaj metaj možna nabyć sabie piersanalny paravy inhalatar.
Kali ničoha nie dapamahaje, źviarniciesia da śpiecyjalista, kab vyklučyć najaŭnaść alerhii. Heta asabliva aktualna ŭ tych vypadkach, kali ŭ vas jość inšyja simptomy alerhii: śvierb u vačach, ślozaciačeńnie, vydzialeńni z nosa i śvierb u im, a taksama śvierb u horle. U takich vypadkach vam mohuć spatrebicca kropli ŭ nos na asnovie steroidaŭ.
Kali ž nijakich inšych simptomaŭ niama, zakładzienaść u nosie moža być prykmietaj skryŭleńnia nasavoj pieraharodki ci palipa ŭ nosie. Tak što, kali kropli nie dajuć vam palohki, tym bolš kali da zakładzienaści jašče i dadajucca bol, dyskamfort i nasavyja krovaciačeńni, idzicie z hetym da doktara.
Kamientary
Poślednij punkt pieriesiečienija nie budiet diejstvovať, poka biełorusskije vłasti nie śnimut ohraničienija dla polskich pierievozčikov.
Ohraničienije nie rasprostraniajetsia na passažirskije pierievozki na pohranpieriechodie v Tieriespole.