Jak śviedčyć niadaŭni artykuł ŭ časopisie Urology Case Reports, u mužčyn moža raźvicca alerhija na ŭłasnyja arhazmy. Simptomy hetaj niezvyčajnaj źjavy padobnyja da hrypu.
Siarod prykmiet takoj alerhii navukoŭcy nazyvajuć tempieraturu, kašal, nasmark, čchańnie i słabaść u muskułach, a ŭ niekatorych vypadkach navat prablemy z maŭleńniem, kancentracyjaj i pamiaćciu. Hetyja simptomy mohuć doŭžycca da tydnia, piša The Times.
Daśledčyki kažuć, što źjava, jakuju jany nazvali sindromam postarhaźmičnaj chvaroby, moža ŭźniknuć u vyniku alerhičnaj ci aŭtaimunnaj reakcyi arhanizma mužčyny na jaho ŭłasnuju śpiermu. Adzin z aŭtaraŭ pracy, vučony Endru Šancholcer ź miedycynskaha fakulteta ŭniviersiteta Uiljama Bamonta ŭ novaziełandskim Oklendzie, raskazvaje: zaraz daśledčyki znajšli ŭžo prykładna 60 vypadkaŭ chvaroby, ale ich nasamreč moža być našmat bolš. Šmat daktaroŭ nie viedajuć, što takaja alerhija isnuje, nie kažučy ŭžo pra šyrokuju hramadskaść. U vyniku mužčynam staviać niapravilnyja dyjahnazy i prymušajuć ich prachodzić praź niepatrebnyja abśledavańni.
Vučonyja miarkujuć, što alerhija na arhazmy raźvivajecca, kali praź infiekcyju ci paškodžańnie jaječkaŭ mikraskapičnaja kolkaść śpiermy traplaje ŭ kroŭ. Imunnyja kletki, tłumačyć Šancholcer, navučanyja atakavać lubyja inšarodnyja rečyvy ŭ arhaniźmie. Isnujuć śpiecyjalnyja kletki, kletki Siertoli, jakija izalujuć śpiermu ad imunnych kletak. Ale kali jany paškodžvajucca, imunnaja sistema pačynaje atakavać śpiermu, nibyta heta virus ci bakteryja.
Kamanda Šancholcera zdoleła dapamahčy 27-hadovamu mužčynu z postarhaźmičnaj alerhijaj. Pačynajučy z 18 hadoŭ, u mužčyny paśla arhazmaŭ pačynaŭsia kašal, nasmark, čchańnie i syp na rukach, limfavuzły ŭ vobłaści jaho tvaru i šyi apuchali. Čym čaściej mužčyna mieŭ arhazm, tym horšali simptomy, tamu ŭ vyniku mužčyna pačaŭ paźbiahać seksu i ramantyčnych adnosin.
Pacyjent prajšoŭ praz šmat daktaroŭ, jon navat źviartaŭsia da infiekcyjanistaŭ i prymaŭ antybijotyki, ale ničoha nie dapamahała. Narešcie miedyki pasprabavali lačyć jaho z dapamohaj antyhistaminnych, to-bok supraćalerhičnych lekaŭ, i adzin z preparataŭ — fieksafienadzin — na 90% źniziŭ vastryniu simptomaŭ u mužčyny.
«Jon nie viedaŭ, što mnie padabajucca dziaŭčaty». Biseksuałka raskazała pra svoj dośvied
Intymny pirsinh palapšaje arhazm? Asabisty dośvied dziaŭčyny
-
Što kaštoŭniej dla ludziej, seks ci blizkaść? Daśledčyki pierakonvajuć, što blizkaść pieramahaje, bo jaje nielha kupić
-
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie
-
Ivan Kraŭcoŭ napisaŭ navukovy artykuł pra kachańnie, u jakim padzialiŭsia ŭłasnym dośviedam
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary
p.s. počiemu žopka, a nie žonka? potomu čto u mienia nasmork. hundosiu
"reakcyi arhanizma mužčyny na jaho ŭłasnuju śpiermu"
"imunnaja sistema pačynaje atakavać śpiermu, nibyta heta virus ci bakteryja."
voś tak - akazvajecca, nie tolki žanočy arhanizm usprymaje śpiermu, jak inšarodnaje rečyva, a i ŭłasna mužčynski arhanizm. voś ža ž zaraza niejkaja