Licenzijnaja Windows 7 dojdzie da Biełarusi ŭ listapadzie

Analityčnaja kampanija Net Applications dobra paśmiašyła biełaruskich kamputarnych karystalnikaŭ.

Zhodna z padlikami ekśpiertaŭ, u Biełarusi na 5,6% kamputaraŭ ustalavana novaja apieracyjnaja sistema Windows 7.

Niama dakumientacyi. I popytu

Śmiešnym źjaŭlajecca toj fakt, što ŭ Biełarusi apieracyjnaja sistema tak i nie pačała pradavacca… Jak viadoma, asobnaha pradstaŭnictva Microsoft u našaj krainie pakul što niama, a isnuje supolnaje adździaleńnie dla Ukrainy i Biełarusi. Tym nie mienš, pastaŭki prahramaŭ ažyćciaŭlajucca ŭ našu krainu naŭprost. Dystrybjutarami Microsoft u Biełarusi źjaŭlajucca dźvie kampanii — «ElkoTelecom LTD» i «ASBIS Biełaruś».

Śpiecyjalistka «ElkoTelecom LTD» Volha Furman paviedamiła, što viersii Windows 7 dla fizičnych asobaŭ užo źjavilisia ŭ prajsie kampanii, ale jašče navat nie pastaŭlalisia «praź nievialiki popyt». A voś viersii dla zborščykaŭ kamputaraŭ užo pastupili na skład, i davoli chutka trapiać u prodaž.

Pradstaŭnica «ASBIS Biełaruś» Vieranika Siańko raskazała, što Windows 7 pakul što nie źjaviłasia ŭ prodažy i ŭ ich kampanii: «Pakul što idzie praca z dakumientacyjaj, bo patrabavańni da jaje ŭ Biełarusi i astatnich jeŭrapiejskich krainach adroźnivajucca».

«Chutčej za ŭsio prodažy pačnucca ŭ listapadzie, pryčym nie ŭ pačatku, a bližej da siaredziny»,

Usio dla studentaŭ

Tym nie mienš, u Biełarusi jość šmat lehalnych karystalnikaŭ licenzijnaj Windows 7.

U ramkach prahramy MSDN Academic Alliance studenty techničnych śpiecyjalnaściaŭ mohuć atrymlivać pradukt Microsoft biaspłatna.

Kožny student dzionnaha navučańnia moža atrymać licenzijnyja klučy i samu apieracyjnuju sistemu, pryčym kali studenty BDU — tolki anhlijskuju viersiju Windows, to ŭ BDUIRy — i rasijskuju, i anhlijskuju.

Taksama Microsoft ładziŭ admysłovuju akcyju pa testavańni 7-ki, dzie jaje Release Candidate možna było spampavać całkam lehalna, atrymać sieryjny numar i karystacca na praciahu hodu. Niamała ludziej hetym skarystalisia.

Dva miljony ci dziesiać tysiač?

Jašče bolš karystalnikaŭ nielehalnych — amal u kožnaj kramie z dyskami pradajecca piratskaja viersija Windows 7. Dysk kaštuje 10-12 tysiač rubloŭ.

Licenzijnaja prahrama daražejšaja ŭ sotni razoŭ. Bazavaja viersija ź minimumam mahčymaściaŭ Windows Home Basic budzie kaštavać 262 tysiačy rubloŭ, a

za maksimalnuju Windows Ultimate pryjdziecca zapłacić 2 124 000 rubloŭ.

Isnaja prapanova - spampavać apieracyjnuju sistemu z sajtu Microsoft i atrymać licenzijny kluč za $150 (410 tysiač rubloŭ u ekvivalencie). Hrošy treba budzie pieraličyć praź internet, što abmiažoŭvaje kolkaść biełarusaŭ, jakija zmohuć skarystacca prapanovaj. Internet-apłata raźvitaja u našaj krainie vielmi słaba.

• 0
• 0
• 0
• 0
• 0
• 0
• 0
• 0