Eks-premjer Litvy: Łukašenka ŭjaŭlaje, što złaviŭ Boha za baradu

Paśla taho, jak śpiecyjalny pasłańnik ZŠA pa Biełarusi Džon Koŭł zaklikaŭ Litvu adnavić adnosiny ź Minskam, eks-premjerka Inhryda Šymanicie śćviardžaje, što administracyja Donalda Tramp addaje pieravahu nie zaŭvažać, pa jaje słovach, režym Łukašenki, što pracuje kanviejernym sposabam, paviedamlaje LRT.

«Ja dumaju, što jon (Łukašenka) prosta demanstruje siłu i karystajecca tym, što, na žal, ciapierašniaja administracyja ZŠA nie maje takoha dobraha razumieńnia režymu Łukašenki, jakoje jość u nas, i vielmi radujecca hetym nievialikim rečam, jakija Łukašenka robić, vyzvalajučy palityčnych źniavolenych (…). Režym dziejničaje pa pryncypie kanviejera. U jaho hetyja pracesy adbyvajucca pa industryjalnych pryncypach. Zaraz jon vyzvalić hetych palityčnych źniavolenych i nabiare novych», — zajaviła ŭ piatnicu pradstaŭnica apazicyjnaj partyi «Sajuz Ajčyny — Chryścijanskija demakraty Litvy».

«ZŠA, ich ciapierašniaja administracyja, addaje pieravahu hetaha nie bačyć abo hetaha nie viedaje, choć spadar Hitanas Naŭsieda, jak paviedamlałasia, padčas sustrečy sa śpiecyjalnym pasłańnikam vielmi jasna heta rastłumačyŭ», — padkreśliła palityk.

Pa jaje słovach, naładziŭšy kantakt z administracyjaj ZŠA, Łukašenka adčuŭ siabie jašče bolš mocna ŭ adnosinach da susiednich dziaržaŭ.

«Spadar Łukašenka zaraz ujaŭlaje, što złaviŭ Boha za baradu, što ŭ jaho jość niejki dvuchbakovy kanał z administracyjaj ZŠA. I, vyrašajučy pytańni z administracyjaj, jon ujaŭlaje, što moža adčuvać siabie haspadarom stanovišča i ciapier maje mahčymaść akazvać cisk na svaich susiedziaŭ, jakija nie dazvalajuć jamu rabić tyja ci inšyja rečy — zarablać dalary abo inšym čynam biasčynstvavać u jeŭrapiejskich krainach (…).

Ciapier u jaho jość mahčymaść cisnuć, tamu što jon adčuvaje siabie ŭ bolš mocnaj pazicyi. Voś pryjazdžaje śpiecyjalny pasłańnik, zaklikaje Litvu palapšać adnosiny z Łukašenkam, i Łukašenka faktyčna dałučajecca da hetych zaklikaŭ», — skazała Inhryda Šymanicie.

Jon prosta demanstruje svaje mahčymaści parušać asobnyja śfiery žyćcia i prymać inšyja dziejańni, byccam sprabujučy dadać arhumienty, čamu Litva pavinna źmianić svaju palityčnuju pazicyju adnosna režymu Biełarusi. Vidavočna, što režym nijak nie źmianiŭsia, a situacyja ź biaśpiekaj za hety čas tolki pahoršyłasia (…). Łukašenka ličyć, što zaraz jaho zorny čas, bo jon moža padmacavać hetyja zakliki peŭnaj materyjalnaj asnovaj — i jon heta vielmi nahladna robić», — rastłumačyła parłamientaryj.

• 6
• 0
• 1
• 1
• 0
• 1
• 0
• 0