Pamior amierykanski akcior Džejms Tołkan, viadomy pa rolach u filmach «Nazad u budučyniu» i «Top Han». Jamu było 94 hady. Tołkan pajšoŭ z žyćcia 26 sakavika ŭ horadzie Saranak-Łejk u štacie Ńju-Jork.
Naradziŭsia akcior u 1931 hodzie ŭ štacie Mičyhan, słužyŭ u VMS ZŠA, paśla čaho vyvučaŭ akciorskaje majsterstva ŭ Ńju-Jorku.
Najbolš Džejms Tołkan zapomniŭsia hledačam jak strohi dyrektar škoły mister Stryklend u tryłohii «Nazad u budučyniu» (1985). U hetych filmach jahony hieroj pastajanna nazyvaŭ vučniaŭ «hultajami». U treciaj častcy akcior syhraŭ jašče i dzieda svajho piersanaža.
U «Top Han» (1986) jon vykanaŭ rolu strohaha kamandzira, jaki krytykuje hieroja Toma Kruza za niebiaśpiečnyja pavodziny.
Uvohule za svaju karjeru Tołkan syhraŭ dziasiatki rolaŭ u kino i na telebačańni, časta ŭvasablajučy strohich i ŭładnych piersanažaŭ. Jon taksama zdymaŭsia ŭ filmach režysioraŭ Vudzi Alena («Kachańnie i śmierć») i Sidni Lumieta («Sierpika», «Prync horada» i «Siamiejny biznes»).
Siamja Tołkana paśla jahonaj śmierci paprasiła ŭ pamiać pra jaho achviaravać srodki ŭ prytułki dla žyvioł abo arhanizacyi pa ich abaronie.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej15
Kamientary