Biejonse ŭstanaviła rekord «Hremi» z samaj vialikaj kolkaściu ŭznaharod u historyi
Amierykanskaja śpiavačka Biejonse stała ŭładalnicaj samaj vialikaj kolkaści premij u historyi «Hremi», vyjhraŭšy čatyry naminacyi i atrymaŭšy 32-ju ŭznaharodu na 65-j cyrymonii ŭručeńnia premii, piša «Bi-bi-si».
Padčas papiaredniaha šou Biejonse nazvali pieramožcaj u naminacyjach «Najlepšy tancavalny/elektronny zapis» za trek «Break My Soul» i za «Najlepšaje vykanańnie ŭ styli R&B» — za «Plastic Off the Sofa». Na asnoŭnaj cyrymonii Biejonse była ŭznaharodžanaja za pieśniu CUFF IT u naminacyi «Najlepšaja pieśnia ŭ styli R&B», a zatym i stała ŭładalnicaj uznaharody «najlepšy tancavalny/elektronny muzyčny albom» za albom «Renaissance».
Takim čynam, jana abyšła pa liku premij «Hremi» niabožčyka, brytana-vienhierskaha dyryžora Hieorha Šołci, jaki atrymaŭ 31 uznaharodu i zastavaŭsia rekardsmienam «Hremi» na praciahu 20 hadoŭ.
«Ja sprabuju nie być zanadta emacyjnaj», — skazała Biejonse, prymajučy ŭznaharodu.
«Harry's House» brytanskaha vykanaŭcy Hary Stajłza staŭ najlepšym albomam, a Lizza z «About Damn Time» atrymała ŭznaharodu za najlepšy zapis hoda.
Jašče adzin brytaniec, Sem Śmit atrymaŭ uznaharodu za najlepšaje pop-vykanańnie duetam za «Unholy», duet z Kim Pietras.
Niečakanaj stała pieramoha 73-hadovaj bluzavaj śpiavački Boni Rajt, jaje trek «Just Like That» byŭ nazvany «Pieśniaj hoda».
Adel była ŭdastojenaja ŭznaharody za «Najlepšaje solnaje pop-vykanańnie» za svaju baładu «Easy On Me».
-
Muzyki Relikt i Uładź Lankievič vypuścili albom Filamaty pra tajemnaje studenckaje tavarystva XIX stahodździa
-
«Bitłz-łend». U Livierpuli adkryjecca vielizarny muziej «Bitłz», prajekt błasłavili Poł Makartni i Rynha Star
-
Biada ŭ biełaruskaha Z-hurta Skynet: salist skardzicca, što ŭłady nie puskajuć ich na scenu
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary