Bloomberg: ES prapanuje novyja sankcyi suprać łukašenkaŭcaŭ za suŭdzieł u vajnie. Roŭnyja rasijskim
Jeŭrapiejski Sajuz prapanavaŭ novy pakiet maštabnych sankcyj, nakiravanych suprać Biełarusi za jaje rolu ŭ padtrymcy ŭvarvańnia Rasii va Ukrainu. Tak śćviardžaje ahienctva Bloomberg, spasyłajučysia na atrymanyja im dakumienty.
Prapanavanyja miery pryviaduć sankcyi suprać Minska ŭ adpaviednaść z mnohimi sankcyjnymi pakietami, jakija ES raniej nakłaŭ na Rasiju, uklučajučy abmiežavańni na klučavyja technałohii i enierhietyčny siektar krainy.
Da prapanavanych mier adnosiacca:
- ekspartnyja zabarony na tavary i technałohii padvojnaha pryznačeńnia, jakija vykarystoŭvajucca ŭ vajennych metach i jakija mohuć pavysić pramysłovy patencyjał krainy;
- sankcyi ŭ dačynieńni da nafty, vuhalu, mietałapradukcyi i zołata;
- handlovyja abmiežavańni na pradmiety raskošy, inviestycyi i akazańnie peŭnych pasłuh;
- mierapryjemstvy, jakija ŭdarać pa avijacyjnym i enierhietyčnym siektarach krainy i klučavych krynicach dachodaŭ.
Padobna da sankcyj, uviedzienych suprać Rasii, prapanovy ŭtrymlivajuć vyklučeńni dla lekavych srodkaŭ, sielskahaspadarčaj i charčovaj pradukcyi.
Prapanavanyja miery patrabujuć padtrymki ŭsich dziaržaŭ-členaŭ ES.
Paralelna Jeŭrasajuz pracuje nad dziasiatym pakietam sankcyj, nakiravanym suprać Rasii, a taksama cenavym abmiežavańniem na rasijskija naftapradukty. Abodva dakumienty chočuć pryniać da pačatku naftavaha embarha na nastupnym tydni.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES39
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary