«Viasna» daviedałasia, što kazała na sudzie Darja Łosik, žonka palitźniavolenaha žurnalista i błohiera Ihara Łosika, asudžanaha na 15 hadoŭ uzmocnienaha režymu.
Na pytańnie suda, jak Darja stavicca da ŭsiaho taho, što adbyvajecca, jana adkazała:
«Kali mianie chacieli pakarać, ja prymu heta z honaram. Ale razam sa mnoj pakarali maju siamju, u tym liku maju małuju dačku».
«Tak, ja nie admaŭlaju toje, u čym mianie abvinavačvajuć. Ale prašu zrazumieć, što apošnija dva hady byli vielmi ciažkimi ŭ maim žyćci. I ciapier mnie baluča ŭśviedamlać, što maja dačka idzie ŭ sad abo na špacyr nie sa mnoj, dzielicca svaimi pieražyvańniami taksama nie sa mnoj. Asabista ja nijakaj škody nikomu nie naniesła. Vielmi prašu sud uličyć hety fakt pry vyniasieńni prysudu.
Hatovaja panieści pakarańnie, kali ja zasłuhoŭvaju jaho. Ale mnie b vielmi chaciełasia, kab jano nie pieraškodziła majoj dačce ŭ najbližejšy čas ubačyć mianie i skazać: «Mama, ty śmiešnaja, ja ciabie vielmi lublu», — skazała Darja.
Prakurorka zaprasiła dla Darji dva hady kałonii.
Jak paviedamlałasia, padstavaj dla kryminalnaha pieraśledu stała intervju, jakoje abvinavačanaja dała ŭ krasaviku telekanału «Biełsat», jaki pryznany biełaruskimi ŭładami «ekstremisckim farmiravańniem».
Pavodle viersii prakuratury, u razmovie z žurnalistam Darja «pazicyjanavała siabie jak žonku palitviaźnia» i «dała asabistuju niehatyŭnuju acenku dziaržaŭnym orhanam, u kampietencyju jakich uvachodzić ažyćciaŭleńnie kryminalnaha pieraśledu i vykanańnie pravasudździa».
U Ihara i Darji Łosikaŭ jość čatyrochhadovaja dačka Paŭlina, jakoj ciapier apiakujucca babuli i dziaduli.
Čytajcie taksama:
Dla Darji Łosik zaprasili 2 hady kałonii
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary