U novaj redakcyi Čyrvonaj knihi Biełarusi buduć vyklučany tyja vidy žyvioł i raślin, kolkaść jakich u ciapierašni čas stabilnaja. Pra heta raskazaŭ hienieralny dyrektar Navukova-praktyčnaha centra NAN Biełarusi pa bijaresursach Alaksandr Čajkoŭski, pieradaje BiełTA.
«U nastupnaj redakcyi Čyrvonaj knihi źjaviacca novyja vidy raślin i žyvioł. Tyja vidy, kolkaść jakich na dadzieny momant stabilnaja albo znachodzicca ŭ pracesie adnaŭleńnia papulacyi, buduć vyviedzienyja. Akramia taho, buduć vyklučanyja tyja žyvioły i raśliny, miaściny pasialeńnia i vyroščvańnia jakich pavialičylisia. Śpiecyjalisty i navukoŭcy zaraz aktyŭna pracujuć u hetym kirunku», — skazaŭ pradstaŭnik NANB.
Jon nahadaŭ, što Čyrvonaja kniha pieravydajecca raz na 10 hadoŭ, a jaje novaje vydańnie zapłanavana na 2025 hod.
«Zusim chutka padychodzić termin pieravydańnia Čyrvonaj knihi. U suviazi z hetym z 2015 hoda źbirajecca materyjał i vyznačajecca sučasny stan papulacyj roznych vidaŭ žyvioł i raślin. Inicyjataram vystupaje Ministerstva pryrodnych resursaŭ i achovy navakolnaha asiarodździa. Jano vyznačaje zamoŭcu, jaki budzie rabić zvodny pieralik. Ciapier u Čyrvonaj knizie 202 vidy žyvioł i 303 vidy raślin, jakija znachodziacca na roznych stadyjach zachavanaści i žyćciazdolnaści», — dadaŭ Čajkoŭski.
Raniej staršynia Biełaruskaha tavarystva palaŭničych i rybałovaŭ, eks-ministr unutranych spraŭ Ihar Šunievič nazvaŭ Čyrvonuju knihu rudymientam, jaki pieraškadžaje chutkamu pryniaćciu rašeńniaŭ u dačynieńni da tych ci inšych vidaŭ žyvioł. Jon taksama miarkuje, što ź jaje pavinny być prybranyja zubr, ryś i miadźviedź. Taksama jon vystupiŭ za toje, kab pačać palavać na lebiedziaŭ i biełych busłoŭ, bo kab ich «choć trochi praredzili, to heta b pajšło tolki na karyść usim astatnim vodna-bałotnym i łuhavym vidam žyvioł».
Čytajcie taksama:
Šunievič: Treba vyklučyć z Čyrvonaj knihi zubroŭ, miadźviedziaŭ i rysiaŭ, a na busłoŭ pačać palavać
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary