Što rabić z pryščami na śpinie

Skura śpiny mocna adroźnivajecca ad skury na tvary. Derma (druhi słoj skury) na śpinie taŭściejšaja, a vałasianyja falikuły majuć bolšy pamier. Tamu moža być ciažka jakasna vylečyć pryščyki na hetaj častcy cieła, papiaredžvaje The Times.

U jakaści miascovaha lačeńnia dermatołah Natalija Śpierynhs raić pieraksid bienzaiłu, jaki časta možna kambinavać z preparatami-retynoidami nakštałt adapalenu (u niekatorych krainach takija leki pradajucca pa recepcie). Retynoidy varta nanosić na śpinu raz ci dva na dzień, ale budźcie aściarožnyja, bo adapalen moža adbielvać paścielu i adzieńnie. Kab atrymać najlepšy vynik, Śpierynhs raić vykarystoŭvać adapalen paśladoŭna na praciahu niekalkich tydniaŭ (ad čatyroch da dvanaccaci), i tolki potym rabić vysnovu, ci spracavaŭ srodak.

Časta kremaŭ nie chapaje, i dermatołah moža prapisać pryjom antybijotykaŭ ci raakutana — vielmi biaśpiečnaha i efiektyŭnaha srodka ad vuhrystaha sypu. Miedyk papiaredžvaje, što šnary ad pryščoŭ na śpinie mohuć być žudasnyja, i ich amal niemahčyma vylečyć, tamu vielmi važna źviarnucca da doktara na rańniaj stadyi prablemy.

Dermatołah Andžeła Tevary tłumačyć, što pryščy źjaŭlajucca, kali pory ŭ skury zabivajucca brudam, admierłymi kletkami skury, potam i skurnym sałam. Adna z pryčyn pryščoŭ — toje, što cieła vyrablaje zanadta šmat skurnaha sała, heta moža być hienietyčnaj asablivaściu. Taksama pryščyki na śpinie mohuć źjavicca praz treńnie adzieńnia, zaplečnika ci spartyŭnaha invientara abo z-za ŭpłyvu harmonaŭ. Ciažarnyja žančyny i maładyja ludzi ŭ pieryjad pałavoha paśpiavańnia čaściej majuć vuhry, bo ŭzrovień harmonaŭ u ich źmianiajecca. Aproč hetaha, stres i tryvoha pavialičvajuć u arhaniźmie kolkaść harmonu kartyzołu, i z-za hetaha cieła vyrablaje bolš skurnaha sała.

Doktar Andžali Machto, u svaju čarhu, źviartaje ŭvahu, što prafiłaktyka chvaroby zaŭsiody lepšaja, čym lačeńnie. Tamu jon raić rehularna prymać duš, asabliva kali vy byli ŭ śpiakotnym i vilhotnym asiarodździ i šmat pacieli. Kali vy nie možacie pryniać duš, pasprabujcie zamiest hetaha pracierci tvar, hrudzi i śpinu micelarnaj vadoj.

Kali na śpinie ŭsio-taki źjaŭlajucca pryščy, Machto raić vykarystoŭvać hieli dla dušu i srodki dla myćcia cieła, u skład jakich uvachodziać masła čajnaha dreva, a taksama salicyłavaja ci hlikolevaja kisłoty. I pamiatajcie, što srodak dla ŭmyvańnia suprać pryščoŭ dakładna možna ŭžyvać nie tolki na tvary, ale i na śpinie i hrudziach.

Dermatołah raskazaŭ, jak praduchilić suchaść skury

Heta navat lepš, čym basiejn i pasiadziełki ź siabrami. Masaž tvaru: raskazvajem

Z hadami ŭ mužčyn vałasy pačynajuć raści ŭ niezvyčajnych miescach. Čamu?

• 16
• 0
• 1
• 2
• 1
• 3
• 6
• 0