Dermatołah raskazvaje na svaim prykładzie, što rabić, kab zachavać skuru ŭvilhotnienaj i zdarovaj.
Z nastupleńniem vosieńskich i zimovych miesiacaŭ mnohija ludzi rychtujucca da niepaźbiežnaha śvierbu, łuščeńnia i suchaści, jakija mohuć turbavać skuru ŭ hetuju paru hoda. Doktar Jaśmin Kirkarjan raskazvaje The New York Times, jak jana padtrymlivaje skuru ŭvilhotnienaj.
Trymajecca dalej ad aramatyzavanaj parfumieryi
Doktar paźbiahaje ŭsich vidaŭ aramatyzavanych srodkaŭ, ad pyrskaŭ duchoŭ da łaśjonaŭ z sałodkim vodaram.
Aramatyvanaja parfumieryja źjaŭlajecca zvyčajnaj pryčynaj alerhičnaha kantaktnaha dermatytu, zapalenčaha sypu, jaki moža źjavicca, kali vaša skura dakranajecca da peŭnych rečyvaŭ, jakija mohuć vyklikać reakcyju: takich jak kaśmietyka, duchi, juvielirnyja vyraby abo niekatoryja raśliny. Važna paźbiahać lubych praduktaŭ, jakija mohuć jašče bolš pahoršyć situacyju.
Abaraniaje svaje ruki
Doktar Kirkarjan jeździć na pracu na rovary ceły hod, tamu ŭ chałodnyja miesiacy jana abaviazkova nadziavaje palčatki, kab palcy nie patreskalisia. Jana taksama paźbiahaje myć ruki ćviordym myłam i časta ŭvilhatniaje ruki paśla myćcia, kab supraćstajać vysušvańniu myłam.
Paźbiahaje praźmiernaha namylvańnia ŭ dušy
Bolšaść ludziej vykarystoŭvajuć zanadta šmat myła, što moža vyklikać razdražnieńnie skury — asabliva kali myła maje vodar. Takim čynam, treba zasiarodžvać namylvańnie na tym, što doktar nazyvaje «zonami smurodu» — padpachami, pachvinaj i stupniami. Astatniuju častku cieła jana apałoskvaje vadoj.
Jana myje vałasy, nachiliŭšy hałavu
Kali reštki šampuniu abo kandycyjaniera kapajuć na vašu šyju i śpinu, heta moža pryvieści da suchaści i sypu, kali ŭ vas dalikatnaja ŭraźlivaja skura. Heta asabliva aktualna, kali ŭ vas doŭhija vałasy, što moža spryjać tamu, što reštki pieny buduć pieramiaščacca pa śpinie.
Takim čynam, jana nachilaje hałavu ŭniz, kali myje i kandycyjanuje vałasy ŭ dušy. Kab vysušyć vałasy, jana «kładzie» ich niepasredna na ručnik, a nie skidaje na śpinu.
Pamianšaje treńnie
Šaravańnie mačałkami ci hubkami stvaraje treńnie, jakoje moža vydalać karysnyja tłuščy, što padtrymlivajuć skuru vilhotnaj i zmazanaj, kaža doktar Kirkarjan. Tamu jana vykarystoŭvaje tolki ruki, kali myjecca, a kali vychodzić z duša, aściarožna pramočvaje skuru ručnikom, a nie enierhična vyciraje.
Vykarystoŭvaje krem, jaki ŭvilhatniaje skuru — i šmat
Kožny dzień paśla kupańnia doktar Kirkarjan namazvaje svajo cieła ščodrym płastom srodku dla ŭvilhatnieńnia.
«Čym bolš, tym lepš», — kaža jana. Jana vybiraje srodki biez aramatyzataraŭ i jakija chutka ŭbirajucca ŭ skuru. Jana taksama vykarystoŭvaje ŭvilhatnialnik dla tvaru paśla ranišniaha ŭmyvańnia i pierad naniasieńniem makijažu.
Kamientary