Mieniedžar spartsmiena raskazaŭ, što Piele sabraŭ svajakoŭ pierad śmierciu. Pa jaho słovach, stan 82-hadovaj lehiendy futboła paharšajecca z kožnym dniom.
«Lehienda futboła pavolna prajhraje bitvu z rakam. Siamja kaža, što jaho stan usio horšaje i horšaje», — napisaŭ spartyŭny mieniedžar Frenk Chalid u tvitary.
Raniej paviedamlałasia, što 22 śniežnia stan zdaroŭja Piele pahoršyŭsia na fonie nyračnaj i sardečnaj dysfunkcyi. Jahonaja dačka Keli Nasimientu apublikavała ŭ instahramie fatahrafiju z baćkam u balničnaj pałacie.
«My ŭsio jašče tut, u baraćbie i ź vieraj. Jašče adna noč razam», — napisała jana.
Trochrazovy čempijon śvietu i adzin z najvialikšych hulcoŭ u historyi futboła Piele z 29 listapada znachodzicca ŭ balnicy imia Albierta Ejnštejna ŭ San‑Paŭłu. Jon prachodzić lačeńnie ad raku toŭstaj kiški, puchlinu vydalili ŭ śniežni 2021 hoda.
Tym časam rodny kłub Piele «Santas», u jakim jon hulaŭ praktyčna ŭsiu karjeru, užo rychtujecca da jaho pachavańnia.
U «Santasie» pastavili vialikuju pałatku pobač sa stadyjonam i vyrabili załatuju trunu z vyjavami lehiendarnaha futbalista.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary