Менеджар спартсмена расказаў, што Пеле сабраў сваякоў перад смерцю. Па яго словах, стан 82-гадовай легенды футбола пагаршаецца з кожным днём.
«Легенда футбола павольна прайграе бітву з ракам. Сям'я кажа, што яго стан усё горшае і горшае», — напісаў спартыўны менеджар Фрэнк Халід у твітары.
Раней паведамлялася, што 22 снежня стан здароўя Пеле пагоршыўся на фоне нырачнай і сардэчнай дысфункцыі. Ягоная дачка Кэлі Насіменту апублікавала ў інстаграме фатаграфію з бацькам у бальнічнай палаце.
«Мы ўсё яшчэ тут, у барацьбе і з верай. Яшчэ адна ноч разам», — напісала яна.
Трохразовы чэмпіён свету і адзін з найвялікшых гульцоў у гісторыі футбола Пеле з 29 лістапада знаходзіцца ў бальніцы імя Альберта Эйнштэйна ў Сан‑Паўлу. Ён праходзіць лячэнне ад раку тоўстай кішкі, пухліну выдалілі ў снежні 2021 года.
Тым часам родны клуб Пеле «Сантас», у якім ён гуляў практычна ўсю кар'еру, ужо рыхтуецца да яго пахавання.
У «Сантасе» паставілі вялікую палатку побач са стадыёнам і вырабілі залатую труну з выявамі легендарнага футбаліста.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары