Manachini Śviata-Jelisaviecinskaha manastyra, jakija źbirajuć dapamohu rasijskim sałdatam, jeździać handlavać u Polšču
Aktyvisty abjadnańnia «Ruch» zapuścili zbor podpisaŭ, kab zabaranić kamiercyju manachiń.

Namiot Śviata-Jelisaviecinskaha manastyra aktyvisty zaŭvažyli kala pravasłaŭnych mohiłak u Varšavie jašče na pačatku listapada. Kala hałoŭnaha ŭvachoda stajaŭ ich namiot, dzie pradavali roznyja carkoŭnyja rečy.
Ale hety ž minski manastyr źbiraje dapamohu dla rasijskich sałdat va Ukrainie.
U abicieli aktyŭna ładzicca akcyja «Pomoŝ braťjam», dzie źbirajuć rečy i hrošy dla rasijskich akupantaŭ. Na sabranyja srodki nabyvajuć nieabchodnyja rečy, leki i vajskovy ryštunak. Taksama siostry manastyra pišuć paštovyja listy padtrymki rasijskim žaŭnieram va Ukrainie z podpisam: «Dorohomu sołdatu iz Biełoj Rusi / Biełoruśsii».
Duchoŭnik manastyra protaijerej Andrej Lemiašonak viadomy svaimi prarasijskimi i prałukašenkaŭskimi pohladami.
Siabry «Ruchu» ładzili pikiet kala manastyrskaha namiota, a taksama pravodzili tłumačalnuju razmovu z patencyjnymi pakupnikami.
Pa infarmacyi abjadnańnia, pradstaŭniki Śviata-Jelisaviecinskaha manastyra chutka pryjeduć handlavać u Polšču i na kaladnyja śviaty. Tamu zaraz aktyvisty nakiroŭvajuć piśmovyja zapyty Polskaj Pravasłaŭnaj Carkvie i pradstaŭnikam Katalickaha Kaścioła, kab daviedacca, na jakich padstavach manachini atrymlivajuć dazvoł pracavać na terytoryi krainy.
Dadatkova zapuścili zbor podpisaŭ pad pietycyjaj suprać prysutnaści ŭ Polščy handlovych punktaŭ Śviata-Jelisaviecinskaha manastyra.
-
Muzykanty vydalajuć svaju muzyku sa Spotify, bo jon spansiruje kampaniju, jakaja vyrablaje tysiačy dronaŭ dla Ukrainy
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahady, to sioleta — ničoha
-
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary
mona? - styŕ ?
jany i ad padatkaŭ sychodziać. naprykład, u ich niama apłaty pa bieznału