Jaŭhien Liviant: U starejšych kłasach nieabchodna dać prava vybirać pradmiety dla dalejšaha vyvučeńnia
Školnaja prahrama biełaruskaj sistemy adukacyi vielmi nasyčanaja i miescami «navat zališniaja». Takoje mierkavańnie vykazaŭ piedahoh, repietytar i suzasnavalnik adukacyjnaha centra «100 bałaŭ» Jaŭhien Liviant, vystupajučy ŭ efiry vydańnia «Smartpres».
Pavodle słoŭ piedahoha, kab hetuju prahramu vyvučyć za abmiežavanuju kolkaść času, vučniam davodzicca vykonvać abjomnaje chatniaje zadańnie. Kali paraŭnać prahramy biełaruskich škoł i, da prykładu, finskich, to vyśvietlicca, što tamtejšyja dzieci amal nie traciać čas na «damašku».
Adnak na pytańnie, ci treba ŭnosić u biełaruskuju sistemu adukacyi niejkija elemienty ź sistem inšych krain,
Liviant adkazaŭ, što ciapier nie treba prymać rašeńni, jakija tyčacca ŭsich pahałoŭna, — lubaja reforma pavinna być pradumanaja i praličanaja ŭ časie.
Pry hetym piedahoh ličyć, što i padhaniać usich pad adzin kapył nie varta:
«Prytrymlivajusia dumki, što ŭ sistemie adukacyi pavinna być raznastajnaść, kab čałaviek moh vybirać, što jon budzie vyvučać i zdavać».
Liviant ličyć, što samym hałoŭnym u adukacyi pavinny być varyjatyŭnaść, sumlennaść i adpaviednaść zdarovamu sensu.
«U matyvavanych vučniaŭ nielha adbivać žadańnie vučycca, ale i prymušać vučycca tych, kamu heta nie cikava, nie treba», — padkreśliŭ jon.
Piedahoh prytrymlivajecca dumki, što ŭ starejšych kłasach było b pravilnym dzialić vučniaŭ na kłasy pa profilach.
«Apošnija dva-try hady školnikam treba davać prava vybirać pradmiety, jak minimum dla taho, kab chacia b paźbiehnuć chłuśni ŭ acenkach. Voś nie choča vučań vyvučać tryhanamietryju, jakaja jość u prahramie, a siadzić, mučycca. I nielha pastavić jamu pa hetym pradmiecie nul, tamu nastaŭniki prosta niejkija acenki malujuć. U hety ž čas vučań, jakomu važnyja tryhanamietryja i łaharyfmy, dehraduje, vymušany vučycca pa bazavaj prahramie», — pryvioŭ prykład piedahoh.
Pry hetym, upeŭnieny jon, pierš čym iści jakim-niebudź šlacham, treba vyvučyć i acanić školnyja prahramy i vopyt inšych krain, chacia b hieahrafična blizkich da Biełarusi. Dla nahladnaści razychodžańniaŭ u školnaj adukacyi roznych krain jon pryvioŭ daśledavańnie matematyčnaha fakulteta Maskoŭskaha dziaržaŭnaha ŭniviersiteta.
«Vykładčyki ŭziali dziaržaŭnyja ekzamieny Rasii, Biełarusi, Ukrainy, Paŭdniovaj Karei i Kitaja, rašali zadačy ŭ pramym efiry i paraŭnoŭvali ich składanaść. Biełaruski ekzamien akazaŭsia samy prosty, ukrainski — bolš składany, rasijski — jašče bolš składany. A kali vykładčyki raźbirali kitajskija i paŭdniovakarejskija ekzamieny pa matematycy, zadańni niekatorych ź ich ja nie toje što rašyć nie moh, ja nie razumieŭ navat sami zadańni», — zaviaršyŭ Liviant.
Čytajcie taksama:
Možna zrabić pamyłki ŭ 6 zadańniach z 14 i ŭsio roŭna atrymać 10 bałaŭ. Jaŭhien Liviant krytykuje škału adznak na centralizavanym ekzamienie
«Teatr absurdu». Viadomy repietytar vykazaŭsia pra školnuju formu
Jaŭhien Liviant: Ustupnaja kampanija pravalenaja, panabirali «troječnikaŭ»
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary