Hramadstva88

«Maskva, Kijeŭ, Minsk — heta try braterskija siastry». Pra što kazaŭ u svaich vystupleńniach prapahandyst Ščokin

Pamior łukašenkaŭski prapahandyst Mikałaj Ščokin. Jamu było 49 hadoŭ. U dziaržaŭnych miedyja jon vystupaŭ rehularna: raskazvaŭ, jak Biełaruś adyhrała pieršuju skrypku ŭ hieapalitycy, što nastupny ŭ čarzie na denacyfikacyju — Jeŭrasajuz, a Hiermanija bahata žyvie dziakujučy Rasii. Pryvodzim jaho cytaty.

Mikałaj Ščokin — vypusknik histaryčnaha fakulteta Biełaruskaha dziaržaŭnaha ŭniviersiteta. Jon skončyŭ aśpiranturu fakulteta fiłasofii i sacyjalnych navuk BDU. Byŭ kandydatam fiłasofskich navuk i dacentam.

«Samy papularny lidar na płaniecie»

Da Mikałaja Ščokina źviartalisia, kali treba było adznačyć palityku Łukašenki, jakoha jon ličyŭ «adnym z samych zapatrabavanych i papularnych lidaraŭ na płaniecie», ci zhanić Zachad.

«Budziem ščyrymi, siońnia Alaksandr Łukašenka źjaŭlajecca adnym z samych papularnych kiraŭnikoŭ dziaržaŭ. Da jaho prysłuchoŭvajucca tyja, chto sapraŭdy razumieje, što biez našaj krainy i jakaściej sapraŭdnaha palityčnaha lidara niemahčyma zachavać mir u rehijonie», — nachvalvaŭ Łukašenku prapahandyst.

«Siońnia mir na miažy choładu i hoładu»

«Pry hetym nivodny biełarus nie adčuŭ dyskamfort, uščamleńnie svaich spažyvieckich pravoŭ i svabody vybaru, — davodziŭ jon. — Tyja, chto choča pracavać u krainie, pavinny dakładna viedać: usie biez vyklučeńnia abaviazany pracavać na biełaruski narod. Tyja, chto spałochaŭsia adkaznaści abo paddaŭsia sankcyjnamu šantažu, heta značyć vyjavili maładušnaść, sami abrali svoj šlach — i nam ź imi nie pa darozie».

«Hiermanija žyła dobra za naš košt»

Mikałaj Ščokin vinavaciŭ ZŠA ŭ tym, što jany «robiać usio, kab padarvać biaśpieku ŭ Jeŭropie».

«Situacyja va Ukrainie — heta ŭsiaho tolki čarhovy etap u realizacyi płanaŭ ZŠA, — pierakonvaŭ jon. — Adnak my pavinny razumieć: niezaležna ad taho, jakaja dziaržava ŭ bližejšy čas uźniknie na našych paŭdniovych miežach, pytańni biaśpieki dla nas stanuć jašče bolš vostrymi».

«Prablemy vialikija z Prybałtykaj, Polščaj. Vy pahladzicie, što dziejecca. Błakujuć Kalininhradskuju vobłaść. Zabłakavali praktyčna ŭsie našy miežy», — dalej aburaŭsia jon.

«Kali Rasija davała pa takich nizkich cenach haz, što Hiermanija sama pierapradavała ŭtraja bolš u dziasiatki krain, dyk jany i žyli dobra. Za naš košt», — davodziŭ jon.

«Maskva, Kijeŭ, Minsk — heta try braterskija siastry»

U adnym z kamientaroŭ Ščokin aburaŭsia, što kiraŭnictva Kijeva anulavała damovu ab pabracimstvie ź Minskam.

«Try słavianskija harady Maskva, Kijeŭ, Minsk — heta try braterskija siastry. Ciapierašniaje rašeńnie biantežyć i nie nadaje siły našym słavianskim narodam. Minsk zaŭždy byŭ na baku miru. Zaŭždy dapamahaŭ našym ukrainskim bratam», — davodziŭ Ščokin.

«Paśla taho, jak sydzie Zialenski ŭ niabyt i budzie praviedziena demilitaryzacyja ŭsioj terytoryi, Sajuznaj dziaržavie daviadziecca bracca za druhuju pracu. Jana budzie doŭhaj. Denacyfikacyju Jeŭrapiejskaha sajuza, — pradrakaŭ Ščokin. —

Ale hety fašyzm, tak zvany demakratyčny… Treba vypalvać kalonym žalezam. Nieabaviazkova, kab ruskija tanki stajali ŭ Bierlinie, chacia moža i da hetaha dojdzie… Biełaruś i Rasija znojduć univiersalnuju formu, katoraja z najmienšymi stratami zmoža pravieści hetu denacyfikacyju Jeŭropy i pryvieści ŭ narmalnuju adpaviednaść jeŭrapiejskija narody. Da demakratyi ich pryvieści».

«Pieršuju skrypku adyhrała Biełaruś»

Ščokin chvaliŭ Rasiju i Kitaj, «jakija praktyčna złamali adnapalarny śviet, i pieršuju skrypku tut adyhrała Biełaruś».

«Ciapier druhaja faza nadychodzić, kab Jeŭropa i Zachad u cełym zrazumieli svaju rolu i miesca, zvyklisia z toj dumkaj, što jany nie ad boha, jany takija, jak usie. I tut duža važnaje miesca Biełarusi. My jak suviaznaje źviano».

Pamior prapahandyst Mikałaj Ščokin

Kamientary8

  • Palašuk
    12.12.2022
    Spačuvańni tolki spadaru Čałamu, jaki z hetaha tryźnieńnia znatna ściabaŭsia ŭ łajvach.
  • :D
    12.12.2022
    Propahanda dla babušiek.
  • vołodia na konciertie kobzona
    12.12.2022
    s takoj familijej było by udivitielno, jeśli by druhoje hovorił

Ciapier čytajuć

«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj12

«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj

Usie naviny →
Usie naviny

Minskaje mietro karektuje prajekt čaćviortaj linii — nie budzie strohaj pryviazki da Druhoha transpartnaha kolca2

U ispanskim horadzie na miesiac zabaranili brać sabie z prytułkaŭ čornych katoŭ1

U Arenburhu znoŭ zahareŭsia atakavany dronami zavod «Hazprama»3

Aštrafavali za toje, što nakapaŭ piasku19

Siłaviki vykupili na dzień akvapark «Lebiadziny» dla ideałahičnaha mierapryjemstva6

«Kibierpartyzany» zajavili, što zdabyli bazu danych danosčykaŭ KDB52

Jak lidar AHP Mikałaj Kazłoŭ vyhladaŭ paśla kałonii FOTAFAKT4

Na MKAD małady kiroŭca ŭrezaŭsia ŭ słup, paciarpieła dziaŭčyna. A skončyłasia ŭsio viasiellem2

Na dačy pad Čavusami zahinuŭ piensijanier — jon pravieryŭ uciečku hazu ahniom

bolš čytanych navin
bolš łajkanych navin

«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj12

«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić