Sachaščyk: Va Ukrainie budzie stvoranaja biełaruskaja vajskovaja čaść, z artyleryjaj
2 śniežnia na pres-kanfierencyi ŭ Varšavie pradstaŭnik pa pytańniach abarony Abjadnanaha pierachodnaha kabinieta Biełarusi Valeryj Sachaščyk zajaviŭ, što Kabiniet maje dobryja adnosiny z Uzbrojenymi siłami Ukrainy i ciapier tam stvarajecca vajskovaja čaść, jakaja budzie składacca tolki ź biełarusaŭ-dobraachvotnikaŭ.
«My damovilisia z ukrainskimi ŭładami, što budzie stvorana asobnaja vajskovaja čaść dla biełarusaŭ, jakija vajujuć za Ukrainu», — skazaŭ Sachaščyk.
«My sfarmiravali novuju voinskuju čaść, kamplektujem jaje. Zadača jaje ŭ pieršuju čarhu — heta abarona Ukrainy ad ahresii. Razam z tym my chacieli b aściudzić haračyja hałovy ŭ Biełarusi, jakija, ja miarkuju, płanujuć udzieł u ahresii. Vielmi chaciełasia b, kab da hetaha nie dajšło.
Heta siła, jakaja nie pojdzie niejkim maršam na Minsk. Ja razumieju, što takija dziejańni niemahčymyja ciapier, i naohuł takija dziejańni mahčymyja tolki pa mandacie Rady biaśpieki AAN. Nivodnaja ź jeŭrapiejskich krain nie daść dazvoł na svajoj terytoryi stvaryć niešta dla ahresii ŭ adnosinach da inšaj dziaržavy, — adznačyŭ Sachaščyk. — Razam z tym, heta siła, jakaja ŭraŭnavažyć uzajemaadnosiny ciapierašniaj ułady biełaruskaj i bolšaj častki narodu, jakaja vykazałasia na vybarach za pieramieny. I ja ŭpeŭnieny, što na siońnia paŭtareńnie scenaru 2020 hoda niemahčyma».
Pavodle Sachaščyka, novaje vajskovaje farmiravańnie budzie ŭkamplektavanaje sučasnym uzbrajeńniem, u tym liku i artyleryjaj. Lepšaje zabieśpiačeńnie dazvolić, pavodle jaho, minimizavać čałaviečyja straty.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
čtob ułožiť v ziemlu patriotov Biełarusi v vojnie v Ukrainie?
i čtob samyje horiačije hołovy nie smohli takim obrazom bolšie uhrožať łukavomu?
vsie bolšie ubieždajuś, čto Tichanovskaja s jeje diejatielami - profanacija i obman!